പന്നി വളര്‍ത്തല്‍

പന്നി വളര്‍ത്തല്‍;

സ്വിസ്സ് വികസന കൗണ്‍സിലിന്റെ പഠനങ്ങളില്‍ കേരളത്തില്‍ പന്നി വളര്‍ത്തലിന് ഏറെ സാധ്യതകളാണുള്ളതെന്ന് പരാമര്‍ശിച്ചിട്ടുണ്ട്. ആഗോളതലത്തില്‍ ഇറച്ചിയുത്പാദന മേഖലയില്‍ പന്നിയിറച്ചിയാണ് മുന്നില്‍. വിദേശവിപണിയില്‍ പന്നിയിറച്ചിക്ക് ധാരാളം ആവശ്യക്കാരുണ്ട്. ദ്രുതഗതിയിലുള്ള വളര്‍ച്ച, കൂടിയ പ്രജനനക്ഷമത, കുറഞ്ഞ ഗര്‍ഭകാലം, കുറഞ്ഞ തീറ്റച്ചെലവ്, ജൈവാവശിഷ്ടങ്ങള്‍ ഇറച്ചിയായി മാറ്റാനുള്ള കഴിവ്, ഉയര്‍ന്ന തീറ്റ പരിവര്‍ത്തനശേഷി, മെച്ചപ്പെട്ട വിപണി എന്നിവ പന്നിവളര്‍ത്തലിന്റെ മേന്മകളില്‍ ചിലതാണ്.

മറ്റേതു ഫാമിങ്ങിനെയും അപേക്ഷിച്ച് പന്നിവളര്‍ത്തല്‍ മേഖലയില്‍ നിരവധി പ്രതിസന്ധികളുണ്ട്. പരിസരമലിനീകരണവുമായി ബന്ധപ്പെട്ട പാരിസ്ഥിതിക പ്രശ്‌നങ്ങളാണ് പന്നിഫാമുകള്‍ നേരിടുന്ന പ്രധാന ഭീഷണി.ശാസ്ത്രീയ രീതിയില്‍ പന്നിഫാമുകള്‍ തുടങ്ങുമ്പോള്‍ മലിനീകരണ നിയന്ത്രണത്തിന് സ്ഥായിയായ സംവിധാനം ഏര്‍പ്പെടുത്തണം. ഇത് നിലവിലില്ലാത്ത സ്ഥലങ്ങളില്‍ പന്നിവളര്‍ത്തലിന് സ്ഥല നിവാസികളുടെ എതിര്‍പ്പ് നേരിടേണ്ടി വരുന്നുണ്ട്. കേരളത്തില്‍ പന്നിവളര്‍ത്തല്‍ വിപുലപ്പെട്ടു വരുന്നുണ്ടെങ്കിലും മലിനീകരണ സംവിധാനം ഫലപ്രദമായി നടപ്പിലാക്കാത്ത സ്ഥലങ്ങളില്‍ ഏറെ പ്രക്ഷോഭങ്ങളും നടക്കുന്നു. കേരളത്തില്‍ പകുതിയിലധികം പന്നിഫാമുകള്‍ക്ക് ഒരുദിവസത്തിലല്ലെങ്കില്‍ മറ്റൊരു ദിവസത്തില്‍ സമീപവാസികളുടെ എതിര്‍പ്പിനെ അതിജീവിക്കേണ്ടി വരുന്നുണ്ട്. ഇതിന് ശാശ്വത പരിഹാരമെന്നോണം സുസ്ഥിരമായ ശാസ്ത്രീയ മാലിന്യ നിര്‍മാര്‍ജ്ജന സംവിധാനത്തോടുകൂടി ഫാമുകള്‍ ആരംഭിക്കണം.

പന്നിവളര്‍ത്തലില്‍ ഇന്ന് അന്താരാഷ്ട്ര നിലവാരത്തിലുള്ള മാറ്റമാണ് കേരളത്തില്‍ കാണുന്നത്. നാടന്‍ ശീമപ്പന്നികള്‍ക്കു പകരം ഉത്പാദനക്ഷമതകൂടിയ വിദേശ ജനുസ്സുകളായ ലാര്‍ജ് വൈറ്റ്, ഡുറോക്ക്, ലാന്‍ഡ്‌റേസ് സങ്കരയിനങ്ങളെ ഇവിടെ വളര്‍ത്തി വരുന്നു.പന്നിവളര്‍ത്തലിനെക്കുറിച്ച് പറയുമ്പോള്‍ ജനങ്ങളുടെ മനസ്സില്‍ ശീമപ്പന്നികളെ/നാടന്‍പന്നികളെക്കുറിച്ചുള്ള ഓര്‍മ്മകളാണ് അന്തമായ മാലിന്യ പ്രശ്‌നങ്ങള്‍ ഉയര്‍ത്താന്‍ പ്രേരകമാകുന്നത്. ഈ രംഗത്ത് ശാസ്ത്രീയ പന്നിവളര്‍ത്തലിനെക്കുറിച്ചും, ഇറച്ചി സംസ്‌കരണത്തെക്കുറിച്ചും പൊതുജനങ്ങളില്‍ അവബോധം വളര്‍ത്തേണ്ടത് അത്യാവശ്യമാണ്.

അന്താരാഷ്ട്ര മാതൃകയില്‍ നിര്‍മിച്ച ഹൈടെക് പന്നി ഫാമുകളുണ്ടെഹ്കിലും പന്നിയെക്കുറിച്ചുള്ള അവജ്ഞ ഭൂരിഭാഗം പേരിലും നിലനില്‍ക്കുന്നതിനാല്‍ ആഗോള ഇറച്ചിയുത്പാദനത്തില്‍ മുന്‍നിരയില്‍ നില്‍ക്കുന്ന പന്നിവളര്‍ത്തല്‍ ഇവിടെ തഴയപ്പെട്ടിരിക്കുകയാണ്.പന്നിഫാമുകള്‍ തുടങ്ങുന്നതിനു മുമ്പ് ഗവണ്‍മെന്റ് നിഷ്‌കര്‍ഷിക്കുന്ന നിരവധി മാനദണ്ഡങ്ങള്‍ പാലിക്കേണ്ടതുണ്ട്. ജനസാന്ദ്രത കൂടിയ സ്ഥലത്ത് പന്നിവളര്‍ത്തല്‍ ആരംഭിക്കരുത്. പന്നിവളര്‍ത്തല്‍ ഫാമുകളും, വീടുകളും തമ്മില്‍ നിശ്ചിത അകലത്തിലായിരിക്കണം. ജനസാന്ദ്രത കൂടിയ സ്ഥലങ്ങള്‍, പട്ടണ, നഗരപ്രദേശങ്ങള്‍ എന്നിവിടങ്ങളില്‍ പന്നിഫാമുകള്‍ തുടങ്ങരുത്. യഥേഷ്ടം വെള്ളം, വൈദ്യുതി, വാഹനസൗകര്യം എന്നിവ ലഭിക്കുന്ന സ്ഥലത്തു മാത്രമേ ഫാമുകള്‍ തുടങ്ങാവൂ.

പന്നിഫാമുകള്‍ വിവിധരീതിയില്‍ തുടങ്ങാവുന്നതാണ്. ഇറച്ചിക്കുവേണ്ടി പന്നിക്കുട്ടികളെ വാങ്ങി 6-8 മാസം വരെ വളര്‍ത്തുന്ന ഫാറ്റനിങ്ങ് യൂണിറ്റ് (Fattening Unit), പ്രജനനത്തിനുവേണ്ടി വളര്‍ത്തി കുഞ്ഞുങ്ങളെ ഉത്പാദിപ്പിച്ച് വില്‍പന നടത്താവുന്ന പ്രജനനയൂണിറ്റ് (breeding Unit) എന്നിവ ഇവയില്‍ ചിലതാണ്. മേല്‍പ്പറഞ്ഞ രണ്ട് യൂണിറ്റുകളും ഒരുമിച്ചുള്ള പ്രജനന ഫാറ്റനിങ്ങ് യൂണിറ്റും തുടങ്ങാവുന്നതാണ്.ശാസ്ത്രീയ രീതിയില്‍ വളര്‍ത്തിയാല്‍ ആണ്‍പന്നികള്‍ മൂന്നു വര്‍ഷത്തിലും പെണ്‍ പന്നികള്‍ 8-10 മാസത്തിലും പ്രായപൂര്‍ത്തിയെത്തും. ഈ പ്രായത്തില്‍ ഇവയെ ഇണ ചേര്‍ക്കാവുന്നതാണ്. 144 ദിവസമാണ് ഗര്‍ഭകാലം. ഒരു പ്രസവത്തില്‍ 8-12 കുഞ്ഞുങ്ങള്‍വരെയുണ്ടാകും.

കുഞ്ഞുങ്ങളെ 45-60 ദിവസം പ്രായത്തില്‍ തള്ളപ്പന്നിയില്‍ നിന്നും മാറ്റാം. ആദ്യത്തെ 2 മാസക്കാലയളവില്‍ ഇരുമ്പ് സത്ത് അടങ്ങിയ കുത്തിവെപ്പുകളും സമീകൃത തീറ്റയും തള്ളയുടെ മുലപ്പാലും ഇടയ്ക്ക് ആവശ്യമാണ്.തീറ്റച്ചെലവ് കുറയ്ക്കാനായി അടുക്കള, ഹോട്ടല്‍, പച്ചക്കറി, അറവുശാല അവശിഷ്ടങ്ങള്‍ എന്നിവ പന്നികള്‍ക്കു നല്‍കുന്നതാണ് മാലിന്യപ്രശ്‌നങ്ങള്‍ക്കു കാരണം. ഇവ സംസ്‌കരിച്ചു നല്‍കുന്നത് കൂട്ടിലെ ദുര്‍ഗന്ധം അകറ്റാന്‍ സഹായിക്കും. സമീകൃത തീറ്റ മാത്രം നല്‍കുന്ന ഫാമുകളില്‍, മറ്റു ഫാമുകളെ അപേക്ഷിച്ച് ദുര്‍ഗന്ധം കുറവുമാണ്. പന്നിക്കൂട്ടില്‍ നിന്ന് കാഷ്ഠവും കൂട് കഴുകിയ വെള്ളവും ഒരുമിച്ച് പുറത്തേക്ക് വിടുന്നത് ദുര്‍ഗന്ധത്തിനിടവരുത്തും. കാഷ്ഠം പ്രത്യേകം എടുത്തുമാറ്റി കൂട് കഴുകിയാല്‍ ദുര്‍ഗന്ധം കുറയ്ക്കാവുന്നതാണ്.

ഇറച്ചിയ്ക്കു വേണ്ടി വളര്‍ത്തുമ്പോള്‍ 6-8 മാസം പ്രായത്തില്‍ പന്നികളെ വില്‍പന നടത്താം. ഇക്കാലത്ത് അവയ്ക്ക് 80-100 കി.ഗ്രാം ശരീരത്തൂക്കമുണ്ടായിരിക്കും.അടുത്ത കാലത്തായി കേരളത്തില്‍ പന്നികളില്‍ പന്നിപ്പനി (swine fever) രോഗം കണ്ടുവരുന്നു. വൈറസ് രോഗമായതിനാല്‍ ഫലപ്രദമായ ചികിത്സയില്ല. രോഗംമൂലം പന്നികളില്‍ മരണനിരക്ക് വളരെ കൂടുതലാണ്.

മോര്‍ബില്ലി (Morbilli) ഇനം വൈറസ്സുകളാണ് പന്നിപ്പനിക്ക് കാരണം. പനി, തീറ്റതിന്നാതിരിക്കല്‍, തളര്‍ച്ച, എഴുന്നേല്‍ക്കാന്‍ ബുദ്ധിമുട്ട് എന്നിവയാണ് പൊതുവായ ലക്ഷണങ്ങള്‍.കര്‍ണ്ണാടക, തമിഴ്‌നാട് സംസ്ഥാനങ്ങളില്‍ നിന്നും കേരളത്തിലേക്ക് കൊണ്ടു വന്ന പന്നികളിലൂടെയാണ് രോഗം കേരളത്തിലെത്തിയത്.രോഗ നിയന്ത്രണത്തിനായി വാക്‌സിനുകള്‍ ഇന്ന് നിലവിലുണ്ട്. രോഗബാധ സംശയിക്കുന്ന പ്രദേശത്തെ പന്നികളെ പന്നിപ്പനിക്കെതിരായി കുത്തിവെപ്പിക്കേണ്ടതാണ്. രോഗം അതിവേഗം പടരാന്‍ സാധ്യതയുള്ളതിനാല്‍ കൂടും, പരിസരവും രോഗാണുവിമുക്തമാക്കാന്‍ പ്രത്യേകം ശ്രിദ്ധിക്കണം. രോഗം ബാധിച്ച പന്നികള്‍ക്ക് പാര്‍ശ്വ അണുബാധ ഒഴിവാക്കാന്‍ ആന്റിബയോട്ടിക്കുകള്‍ നല്‍കാം.

കേര­ള­ത്തിൽ കണ്ടു­വ­രുന്ന ഇന­ങ്ങൾ

ലാർജ്‌ വൈറ്റ്‌ യോർക്ക്ഷെ­യർ

ഉത്ഭവം യോർക്ക്ഷെ­യ­റിൽ വളരെ പ്രചാരം കിട്ടിയ ഇന­മാ­ണി­ത്‌. ധാരാളം പാലുൽപാ­ദി­പ്പി­ക്കുന്ന നല്ല മാതൃ­ഗു­ണ­മു­ള്ള­വ­യാണ്‌ പെൺപ­ന്നി­കൾ. നല്ല വലി­പ്പ­മുള്ള നീണ്ടു­വെ­ളു­ത്ത­വ­യാണ്‌ ഇവ. ചെവി ഉയർന്നു നിൽക്കും. സങ്ക­ര­യി­ന­ങ്ങ­ളുടെ ഉത്പാ­ദ­ന­ത്തിന്‌ ധാരാ­ള­മായി ഉപ­യോ­ഗി­ച്ചു­വ­രു­ന്നു.

ഡ്യൂറോക്ക്‌

ചുമന്ന നിറവും തൂത്തിയ ചെവി.യു­മാണ്‌ ഈ ഇന­ത്തിന്‌. വലി­പ്പ­ത്തിന്‌ ചേർച്ച, ആഹാ­ര­ക്ഷ­മതാ വളർച്ചാ­നി­ര­ക്ക്‌, ദൃഢ­ത, എന്നി­വ­മൂലം പ്രചാ­രം­കി­ട്ടി­യി­ട്ടു­ണ്ട്‌.

ലാൻസ്പേസ്‌

സെൻമാർക്കാണ്‌ സ്വദേ­ശം. കന­ത്തു­തൂ­ത്തീയ ചെവി­യുള്ള വെളുത്ത ഇന­മാ­ണ്‌. സങ്ക­ര­യി­ന­ങ്ങളെ ഉപ­യോ­ഗി­ക്കു­ന്ന­ത്‌.

സംര­ക്ഷ­ണവും പരി­പാ­ല­നവും;

നല്ല­യി­ന­ങ്ങളെ എങ്ങിനെ തിര­ഞ്ഞെ­ടു­ക്കാം.
വാണി­ജ്യാ­ടി­സ്ഥാ­ന­ത്തി­ലുള്ള മൃഗ­പ­രി­പാ­ല­ന­ത്തിന്‌ ഉന്നത ഗുണ­നി­ല­വാ­ര­മുള്ള നല്ല ആരോ­ഗ്യ­മുള്ള സങ്ക­ര­യി­ന­ങ്ങളോ വിദേ­ശ­ഇ­നമോ ആണ്‌ തെര­ഞ്ഞെ­ടു­ക്കേ­ണ്ട­ത്‌.
അതി­ജീ­വ­ന­ശേ­ഷി­യുള്ള ലിറ്റർവ­ലി­പ്പ­മുള്ള (ഒ­റ്റ­പ്ര­സ­വ­ത്തിലെ കുട്ടി­ക­ളുടെ എണ്ണവും അജീ­വ­ന­ശേ­ഷി­യും) പെൺപന്നി പരി­പാ­ലി­ക്ക­പെ­ടുക എന്ന­താ­യി­രി­ക്കണം ഒരു പെൺപന്നിയേയും ആൺപ­ന്നി­യേയും തെര­ഞ്ഞെ­ടു­ക്കു­ന്ന­തിന്റെ ലക്ഷ്യം. മാത്ര­മല്ല ഈ ലിറ്റർ 6 മാസമോ അതിൽ കുറവോ പ്രായ­മാ­കു­മ്പോൾ തന്നെ വിൽപനക്കാവ­ശ്യ­മായ വലിപ്പം എത്തി­യി­ട്ടു­ണ്ടാ­ക­ണം.
പ്രത്യു­ത്പാ­ദ­ന­ക്ഷ­മ­മാ­യ­വ­യെ­യാണ്‌ തെര­ഞ്ഞെ­ടു­ക്കേ­ണ്ട­ത്‌.
പുതു­തായി തെര­ഞ്ഞെ­ടു­ത്ത­വയെ തിരി­ച്ച­റി­യാ­നായി ടാറ്റു­ ഒട്ടി­ക്കു­കയോ, ചെവി­കു­ത്തു­കയോ ചെയ്യു­ക.
രോഗ­ങ്ങൾക്കെ­തി­രായി പ്രതി­രോ­ധ­കു­ത്തി­വ­യ്പു­കൾ എടു­ക്കു­ക.
പുതു­തായി തെര­ഞ്ഞെ­ടു­ത്ത­വയെ രണ്ടാഴ്ച നിരീ­ക്ഷി­ച്ച­തി­നു­ശേഷം മറ്റു­ള്ള­വ­യു­മായി ചേർക്കു­ക.
മൂന്നു­മാസം ഇട­വിട്ട്‌ രണ്ടു സെറ്റു­ക­ളായി പുതിയ മൃഗ­ങ്ങ­ളെ വാങ്ങു­ക.
കൂട്ട­ത്തിൽ നിന്ന്‌ മൃഗ­ങ്ങളെ തെര­ഞ്ഞെ­ടുത്ത്‌ മാറ്റി പുതി­യ­വയെ ചേർക്കു­ക.
10­-12 പ്രസ­വ­ങ്ങൾക്കു ശേഷം പ്രായം ചെന്ന മൃഗ­ങ്ങളെ ഒഴി­വാ­ക്ക­ണം.

ബ്രീഡിംങ്ങ്‌ സംര­ക്ഷണം

പന്നികൾ ഉയർന്ന പ്രത്യ­ത്പാ­ദ­ന­ക്ഷ­മ­ത­യുള്ള ജീവി­ക­ളാ­ണ്‌. നല്ല പരി­പാ­ല­ന­സാ­ഹ­ച­ര്യ­മൊ­രുക്കി വർഷ­ത്തിൽ രണ്ട്‌ പ്രസ­വ­മായി ക്രമീ­ക­രി­ക്ക­ണം.
ആൺപെൺ അനു­പാതം 10:1 എന്ന രീതി­യിൽ നില­നിർത്തു­ന്നത്‌ പര­മാ­വധി ഉത്പാ­ദ­ന­ത്തിന്‌ ആവ­ശ്യ­മാ­ണ്‌. നല്ല മദി­യുള്ള സമ­യത്ത്‌ ബ്രീഡിംഗ്‌ നട­ത്ത­ണം.
ഗർഭ­കാ­ല­സം­ര­ക്ഷണം പ്രസ­വ­ത്തിന്‌ ഒരാ­ഴ്ച­മുൻപ്‌ പന്നി­കൾക്ക്‌ ആവ­ശ്യ­ത്തിന്‌ സ്ഥല സൗക­ര്യവും ഭക്ഷണം വെള്ളം ഇവ­യെല്ലാം ലഭ്യ­മാ­ക്ക­ണം. പന്നി­ക­ളേയും ഈറ്റു­പു­രയും പ്രതീ­ക്ഷി­ക്കുന്ന പ്രവ­വ­ദി­വ­സ­ത്തിന്‌ മൂന്നോ നാലോ ദിവസം മുൻപു­തന്നെ അണു­വി­മു­ക്ത­മാ­ക്കു­ക.

പന്നി­കു­ഞ്ഞു­ങ്ങ­ളുടെ സംര­ക്ഷ­ണം
നവ­ജാ­ത­പ­ന്നി­ക്കു­ട്ടി­കളെ ചെറിയ അഴി­ക­ളിട്ടു സംര­ക്ഷി­ക്കു­ക.
പൊക്കിൾകൊടി മുറി­ച്ചു­മാ­റ്റി­യ­ശേഷം അയോ­ഡിൻലാ­യനി ഉപ­യോ­ഗിച്ച്‌ അണു­വി­മു­ക്ത­മാ­ക്ക­ണം.
6-8 ആഴ്ചതള്ള­യുടെ പാൽകു­ടി­ക്കാൻ അനു­വ­ദി­ക്കു­ന്ന­തോ­ടൊപ്പം തീറ്റയും കൊടു­ക്കു­ക.
പന്നി­ക്കു­ട്ടി­കളെ കടു­ത്ത­കാ­ല­വസ്ഥ സാഹ­ച­ര്യ­ങ്ങ­ളിൽനിന്ന്‌ സംർക്ഷി­ക്ക­ണം. പ്രത്യേ­കിച്ച്‌ ആദ്യത്തെ രണ്ട്‌ മാസ­ത്തേക്ക്‌.
നിർദ്ദേ­ശി­ക്ക­പ്പെട്ട പട്ടി­ക­യ­നു­സ­രിച്ച്‌ പ്രതി­രോ­ധ­കു­ത്തി­വ­യ്പു­കൾ എടു­ക്കു­ക.
വിളർച്ച ബാധി­ക്കാ­തി­രി­ക്കാ­നൻ അയേണ്‌ കൊടു­ക്കു­ക.
വിൽപ­നക്കും പരി­പാ­ല­ന­ത്തി­നു­മുള്ള പന്നി­ക്കു­ട്ടി­കൾ ഒരു­പോലെ നല്ല­രീ­തി­യിൽപ­രി­പാ­ലി­ക്ക­പ്പെ­ട­ണം.
ബീജ­സ­ങ്ക­ല­ന­ത്തി­നു­പ­യോ­ഗി­ക്കാത്ത ആൺ പന്നി­കളെ വന്ധീ­ക­രി­ക്കു­ന്ന­താണ്‌ അഭി­കാ­മ്യം. ഇങ്ങിനെ ചെയ്യു­ന്ന­തു­വഴി മാംസം പാകം ചെയ്തു­ക­ഴി­യു­മ്പോ­ഴുള്ള ? പന്നി­മണം? ഒഴി­വാക്കി മാംസ­ത്തിന്റെ ഗുണം വർദ്ധി­പ്പി­ക്കാ­നാ­കും.
മുല­യൂ­ട്ടുന്ന പന്നി­കൾക്ക്‌ അധി­ക­ഭ­ക്ഷണം ഉറ­പ്പു­വ­രു­ത്തു­ന്നത്‌ പന്നി­കു­ട്ടി­ക­ളുടെ പരി­പാ­ലനം ഉറ­പ്പാ­ക്കും.
രോഗ­ങ്ങൾക്കെ­തി­രായ സംര­ക്ഷണം
തീറ്റ­എ­ടു­ക്കാ­യ്ക, പനി, അസാ­ധാ­ര­ണ­സ്ര­വ­ങ്ങൾ സ്വഭാ­വം, എന്നി­വ­യെല്ലാം ജാഗ്ര­ത­യോടെ നിരീ­ക്ഷി­ക്ക­ണം.
രോഗ­മു­ണ്ടെന്ന്‌ സംശ­യി­ക്കു­ന്നു­വെ­ങ്കിൽ അടു­ത്തുള്ള ആരോ­ഗ്യ­കേ­ന്ദ്ര­ത്തേയോ മൃഗ­ഡോ­ക്ട­റു­ടെയോ സഹായം തേടു­ക.
സാധാ­രണ രോഗ­ങ്ങ­ളിൽനിന്നും മൃഗ­ങ്ങളെ സംര­ക്ഷി­ക്കു­ക.
പകർച്ച­രോ­ഗ­ങ്ങൾ പൊട്ടി­പു­റ­പ്പെ­ടു­ന്ന­തായി നിരീ­ക്ഷി­ക്ക­പെ­ട്ടാൽ രോഗ­ബാ­ധ­യു­ള്ള­വ­യേയും ആരോ­ഗ്യ­മുള്ള മൃഗ­ങ്ങ­ളെയും ഉടനെ തന്നെ മാറ്റി­താ­മ­സി­പ്പി­ക്കു­ക. ഉടനെ തന്നെ രോഗ­ നിയ­ന്ത്ര­ണ­മാർഗ്ഗ­ങ്ങൾ അവ­ലം­ബി­ക്കു­ക.
സമ­യാ­സ­മ­യ­ങ്ങ­ളിൽ വിര­മരുന്ന കൊടു­ക്കു­ക.
പ്രായ­പൂർത്തി­യായ മൃഗ­ങ്ങ­ളുടെ മുഖം പരി­ശോ­ധിച്ച്‌ ആന്ത­രീ­ക­പരാ­ദ­ങ്ങ­ളുടെ മുട്ട­കൾ ഇല്ലെന്ന്‌ ഉറ­പ്പാ­ക്കു­ക. കണ്ടെ­ത്തി­യാൽ ആവ­ശ്യ­മായ ഔഷ­ധ­ങ്ങൾ കൊടു­ക്കു­ക..

പന്നി­ക­ളുടെ തീറ്റ­ക്രമം

പന്നി­കൾ മോണോ­ഗ്യാ­സ്ട്രിക്‌ മൃഗ­ങ്ങ­ളാ­ണ്‌. ഒരു പരി­ധി­വരെ അവക്ക്‌ നാരു­ക­ളുള്ള ഭക്ഷണം മാത്രമേ ഉപ­യോ­ഗ­പ്പെ­ടു­ത്താൻ കഴി­യൂ. പ്രായ­പൂർത്തി­യാ­യ­വക്ക്‌ പ്രത്യേ­കി­ച്ചും.
ഭക്ഷ­ണ­ത്തിലെ മത്സ്യം മാംസ്യം എന്നി­വ­യിൽനിന്നാണ്‌ അവക്ക്‌ പ്രോട്ടീൻ ലഭ്യ­മാ­കു­ന്ന­ത്‌.

കൃത്യ­മായ ഇട­വേ­ള­ക­ളിൽ പന്നി­കൾക്ക്‌ തീറ്റ­നൽക­ണം, പുതിയ തീറ്റ കൊടു­ക്കു­മ്പോൾ മുൻപ്‌ കൊടു­ത്ത­വ­യുടെ അവ­ശി­ഷ്ട­ങ്ങൾ നിർബ­ന്ധ­മായും നീക്കം ചെയ്യ­ണം.
മാർക്ക­റ്റിൽ ലഭ്യ­മാ­കുന്ന തീറ്റ­നൽകി പന്നി­കളെ പരി­പാ­ലി­ക്കു­ന്നത്‌ സാമ്പ­ത്തി­ക­മായി ഗുണം ചെയ്യി­ല്ല. ?സ്വിൻ? അടി­സ്ഥാ­ന­ത്തി­ലുള്ള തീറ്റ­ക്ര­മ­മാണ്‌ ലാഭ­ക­രം. ശരാ­ശരി ഒരു പന്നിക്ക്‌ 4-8 കിലോ­ഗ്രാമും ?സ്വിൻ? ആവ­ശ്യ­മാ­ണ്‌.
എല്ലാ വിഭാ­ഗ­ത്തി­ലെയും പന്നി­കൾക്ക്‌ കുറ­ഞ്ഞ­അ­ള­വിൽ തീറ്റ­പുല്ല്‌ ലഭ്യ­മാ­ക്കു­ക. അല്ലെ­ങ്കിൽ മേയാൻവി­ടു­ക.
തള്ള­യിൽനിന്നം വേർപെ­ടു­ത്തിയ പന്നി­കൾക്ക്‌ ഒരു ഓട്ടോ­മാ­റ്റിക്‌ തീറ്റ­ക്രമം ഉപ­യോ­ഗിച്ച്‌ തീറ്റ നൽകാ­വു­ന്ന­താ­ണ്‌. (200 ലിറ്റർ ഓയിൽഡ്രം ഉപ­യോ­ഗിച്ച്‌ ഈ സംവി­ധാനം നിർമ്മി­ക്കാം. ഇതു­വഴി മുല­കു­ടി­മാ­റു­മ്പോ­ഴുള്ള ഭാര­നഷ്ടം ഒഴി­വാ­ക്കാം.
ആൺപ­ന്നി­ക­ളുടെ തീറ്റ­ക്രമം
പ്രായ­ത്തി­ന­നു­സ­രിച്ച്‌ 100 കി.­ഗ്രാ­മിന്‌ 2.25 കി.ഗ്രാം സാന്ദ്രീ­കൃത തീറ്റ ബീജ­സ­ങ്കലനത്തി­നു­പ­യോ­ഗി­ക്കുന്ന ആൺപ­ന്നിക്ക്‌ ആവ­ശ്യ­മു­ണ്ട്‌. (ഇത്‌ ബീജ­സ­ങ്ക­ല­ന­നി­രക്കും സാഹ­ച­ര്യവും അനു­സ­രി­ച്ചി­രി­ക്കും)
പന്നി­കൂ­ടു­തൽ തടി­ക്കാ­തെയും മെലി­യാ­തെയും നോക്കി തീറ്റ ക്രമ­പെ­ടു­ത്ത­ണം.
കൂട്ടിൽ പരി­പാ­ലി­ക്കു­ന്ന­വക്ക്‌ പച്ച­പു­ല്ല്കൊ­ടു­ക്ക­ണം.

പെൺപ­ന്നി­യുടെ തീറ്റ­ക്രമം

ഗർഭ­ധാ­ര­ണ­ത്തി­ന്റെയും മുല­യൂ­ട്ട­ലിനും പോഷ­ക­ങ്ങൾ സംര­ക്ഷി­ക്ക­പ്പെ­ടു­ന്ന­തി­ന്റെയും ഭാഗ­മായി ഗർഭ­കാ­ല­ത്തിന്റെ അവ­സാന മാസ­ങ്ങ­ളിൽ ധാരാളം ധാതു­ല­വ­ണ­ങ്ങളും പ്രോട്ടീനും വിറ്റാ­മി­നു­കളും ആവ­ശ്യ­മായി വരും.
പ്രായ­പൂർത്തി­വന്ന പെൺപ­ന്നി­കൾ 30­-35 കി.ഗ്രാം ഭാര­മു­ണ്ടാ­കും.
ഗർഭ­ധാ­ര­ണ­സ­മ­യത്ത്‌ 40­-45 കി.ഗ്രാം ആകും.
കൂടു­തൽ തടി­ക്കാനോ മെലി­യാനോ അനു­വ­ദി­ക്കാതെ തീറ്റ­ക്ര­മീ­ക­രി­ക്ക­ണം. ഒറ്റക്ക്‌ തീറ്റു­ന്നതാണ്‌ നല്ല­ത്‌.
പെൺപ­ന്നി­കൾക്ക്‌ ഇണ­ചേ­രു­ന്ന­തിന്‌ മുൻപ്‌ കൂടു­തൽ തീറ്റ­കൊ­ടു­ക്കു­കയും ഇണ­ചേ­ര­ലിനു ശേഷം അത്‌ കുറ­ക്കു­കയും ചെയ്യുന്ന രീതി നില­വി­ലു­ണ്ട്‌.

പ്രസ­വിച്ച പന്നി­കൾക്കും കുട്ടി­കൾക്കു­മുള്ള തീറ്റ­ക്രമം

പ്രസ­വ­ത്തി­നു­തൊ­ട്ടു­മുൻപും തൊട്ടു­പി­ന്നാ­ലെയും പോഷ­ക­സ­മ്പു­ഷ്ട­മായ ഭക്ഷണം അള­വിൽ കുറച്ച്‌ കൊടു­ക്കു­ക.
10 ദിവസം ആകു­മ്പോ­ഴേക്കും ശരി­യായ തീറ്റ­ക്ര­മ­ത്തി­ലേ­ക്കെ­ത്തി­ക്കു­ക.
ധാരാളം പച്ച­പുല്ല്‌ ലഭ്യ­മാ­ക്കു­ക.
100 കി.ഗ്രാം ശരീ­ര­ഭാ­ര­ത്തിന്‌ 2.5 മുതൽ 3 കി. ഗ്രാം കുഞ്ഞൊ­ന്നിനു 0.2 കി.ഗ്രാം എന്ന രീതി­യി­ലാണ്‌ തീറ്റ­ക്രമം കണ­ക്കാ­ക്കേ­ണ്ട­ത്‌.
അങ്ങിനെ വരു­മ്പോൾ 100 കി. ഗ്രാം ഉള്ള 4.6 കി.ഗ്രാം തീറ്റ സ്വീക­രി­ക്കും.
പന്നി­കു­ട്ടി­കൾക്ക്‌ ‘ക്രീപ്‌ ഫീഡ്‌” എന്ന പ്രത്യേ­ക­പോ­ഷക സമ്പുഷ്ട തീറ്റ ലഭ്യ­മാ­ക്കാ­വു­ന്ന­താ­ണ്‌.

ക്രീപ്‌ ഫീഡിംങ്ങ്‌

തള്ള­യിൽ നിന്നും അകറ്റി പന്നി­കു­ട്ടി­കൾക്ക്‌ ഒറ്റക്ക്‌ സാന്ദ്രീ­കൃത തീറ്റ കൊടു­ക്കുന്ന രീതി­യാ­ണി­ത്‌. രണ്ടാഴ്ച പ്രായ­മാ­കു­മ്പോ­ഴാണ്‌ ക്രീപ്‌ ഫീഡ്‌ നൽകു­ന്ന­ത്‌. ഊർജ്ജ്യ­സ്വ­ല­തയും ആരോ­ഗ്യവും ഉള്ള ഒരു പന്നി­ക്കുട്ടി 8 ആഴ്ച പ്രായ­മാ­കു­ന്ന­തിന്‌ മുൻപ്‌ 10 കി. ഗ്രാം ?ക്രീപ്‌ ഫീഡ്‌ ഉപ­യോ­ഗ­പെ­ടു­ത്തി­യി­രി­ക്കും. ഇതിന്റെ മുന്നൽ രണ്ടു­ഭാ­ഗവും 6-8 ആഴ്ച­ക്കു­ള്ളി­ലാ­യി­രിക്കും കഴി­പ്പി­ച്ചി­ട്ടു­ണ്ടാ­വു­ക.
വള­രുന്ന പന്നി­ക­ളുടെ തീറ്റ­ക്രമം
പന്നി­കൾക്ക്‌ സമീ­കൃത ആഹാരം ലഭ്യ­മാ­ക്കി­യാൽ അവ അതു­പ­യോ­ഗ­പ്പെ­ടുത്തി പര­മാ­വുധി വളർച്ച പ്രാപി­ക്കും. ഒരു നിശ്ചിത അളവ്‌ തീറ്റ ദിവ­സ­ത്തിൽ രണ്ടോ മൂന്നോ തവ­ണ­യായി നൽകു­ക. അല്ലെ­ങ്കിൽ ഒറ്റ­ത്ത­വ­ണ­യായി 30­-45 മിനി­റ്റിൽ തിന്നു തീർക്കാത്ത രീതി­യിൽ കൊടു­ക്കു­ക.

പന്നി­കൾക്ക്‌ കൊടു­ക്കാ­വുന്ന മറ്റു­പ­ല­വക തീറ്റ­കൾ;

സ്വിൽ :- (ഭക്ഷ­ണ­ത്തിന്റെ ബാക്കി, പച്ച­ക്ക­റി­കൾ, മാംസം, മീൻ എന്നി­ങ്ങനെ അടു­ക്ക­ള­യിൽ നിന്നും പുറം തള്ളുന്ന അവ­ശി­ഷ്ട­ങ്ങൾ ) ഇതിന്റെ മൂല്യം കണ­ക്കാ­ക്കാൻ ആവാ­ത്ത­വിധം ഇതിലെ ചേരു­വ­കളും അളവും വ്യത്യാ­സ­പ്പെ­ട്ടി­രി­ക്കു­ന്നു. കിച്ചൺ വേയ്സ്റ്റ്‌ കൊടു­ത്താൽ 50 കി.ഗ്രാം ഭാര­മുള്ള പന്നി കുട്ടി 70 ദിവസം കൊണ്ട്‌ 70 കി. ഗ്രാം ഭാര­ത്തിൽ എത്തു­മെന്ന്‌ നിരീ­ക്ഷി­ക്ക­പെ­ട്ടി­ട്ടു­ണ്ട്‌. കിച്ചൺ വെയ്സ്റ്റ്‌ പഴ­കി­യതും അഴു­കി­യതും അല്ല എന്ന്‌ ഉറ­പ്പു­വ­രു­ത്ത­ണം. ശരാ­ശരി 4-8 കി.ഗ്രാം സ്വിൽ ഒരു പന്നിക്ക്‌ ഒരു ദിവ­സ­ത്തേക്ക്‌ മതി­യാ­കും.
പന്ന­‍ിതീ­റ്റ­യായി ഉപ­യോ­ഗി­ക്കുന്ന മറ്റു­വ­സ്തു­ക്കൾ
ഇനം ചേർക്കേണ്ട അളവ്‌ % ൽ
മര­ച്ചീനി 15-20
റബ്ബർപി­ണ്ണാക്ക്‌ 15
പുളി­ങ്കുരു വറുത്ത്‌ പൊടി­ച്ച­ത്‌ 20
ചായ വേയ്സ്റ്റ്‌ 20
മാംസം വേയ്സ്റ്റ്‌ 20

പന്നി­യുടെ പാർപ്പി­ട­സൗ­കര്യം;

പാർപ്പിടം മഴ­യിൽ നിന്നും വെയി­ലിൽ നിന്നും മതി­യായ സംര­ക്ഷണം നൽകു­ന്ന­താ­ക­ണം.
പന്നി­കൾക്ക്‌ ചൂടും തണുപ്പും എളുപ്പം ബാധി­ക്കും.
പന്നി­ക­ളുടെ കുഴി­ക്കുന്ന സ്വഭാ­വത്തെ പ്രതി­രോ­ധി­ക്കുന്ന തര­ത്തി­ലുള്ള­താ­വണം തറയും ചുമ­രും.
തറ കോൺക്രീറ്റ്‌ ചെയ്താൽ ഉറപ്പും ലഭി­ക്കാം. എളുപ്പം വൃത്തി­യാ­ക്കു­കയും ചെയ്യാം.
ചുമര്‌ ഇഷ്ടി­ക­കെട്ടി മിനു­ക്കി­യതും വാതിൽ മരമോ ഇരുമ്പോ ആകാം.
വെള്ളവും തീറ്റ­കളും പുറ­ത്തു­നിന്നു കഴി­ക്കുന്ന രീതി­യിൽ വേണം ക്രമീ­ക­രി­ക്കാൻ. 200ര സെൽഷ്യ­സിനും 250ര ഇട­യിലെ ഊഷ്മാ­വിൽ പന്നി­കൾ നല്ല­ഉ­ത്പാ­ദ­ന­ക്ഷ­മത കൈവ­രി­ക്കും.
തണൽ. കുത്തി­മ­റി­യാ­നുള്ള ടാങ്ക്‌, തണു­പ്പി­ക്കാൻ സഹാ­യി­ക്കുന്ന സ്പ്രിംഗ്ളർ, വെള്ള­ടാപ്പ്‌ എന്നി­ങ്ങനെ ചൂടിനെ ക്രമീ­ക­രി­ക്കാ­നുള്ള സംവി­ധാ­ന­ങ്ങൾ ചെയ്യു­ക.
എല്ലാ മൃഗ­ങ്ങ­ളെയും പുറ­ത്തു­നിന്ന്‌ നിരീ­ക്ഷി­ക്കാൻ കഴി­യു­ന്നതും ലേബർചാർജ്ജ്‌ കുറ­ക്കുന്ന രീതി­യി­ലു­മാ­വണം കൂടിന്റെ രൂപ
കൽപന.

ആൺപ­ന്നി­കൾ, ഗർഭി­ണി­കൾ, പന്നി­കു­ട്ടി­കൾ പെൺപ­ന്നി­കൾ എന്നി­വയെ എല്ലാം പറ­മ്പിൽ തുറ­ന്നു­വിട്ട്‌ ഭാഗി­ക­മായ ഷെൽട്ട­റു­കൾ കൊടു­ക്കാം.
പ്രസ­വിച്ച പന്നി­യേയും കുട്ടി­ക­ളെയും കൂട്ടിൽതന്നെ അട­ച്ചി­ട­ണം. ലളി­തവും ചില­വു­കു­റ­ഞ്ഞ­തു­മായ വസ്തു­ക്കൾ കൊണ്ട്‌ മേൽപ­റ­ഞ്ഞ­രീ­തി­യിൽ കൂടു­കൾ ഉണ്ടാ­ക്കാവു­ന്ന­താ­ണ ഗ്രാമീണ മേഖ­ല­യിൽ ലാഭ­ക­രം.
എല്ലാ വിഭാ­ഗ­ത്തിലും പെട്ട പന്നി­കൾക്കായി സ്ഥല­സൗ­ക­ര്യ­മ­നു­സ­രിച്ച്‌ കൂടു­കൾ നിർമ്മി­ക്കാം.
വന്ധ്യം­ക­രണം നട­ത്താത്ത ആൺപ­ന്നി­ക­ളെയും പെൺപ­ന്നി­ക­ളെയും ഒരു­മിച്ച്‌ പാർപ്പി­ക്ക­രു­ത്‌
.
ആൺപ­ന്നി­യുടെ കൂട്‌

പന്നി­ക്കൂ­ടിന്‌ 6.25 7.5 ച.മീ വിസ്തൃ­തിയും വ്യായാ­മ­ത്തി­നായി 88 12 ച.മീ വിസ്തൃ­തിയും ലഭ്യ­മാ­ക്ക­ണം. 1.5 മീ ഉയ­ര­ത്തി­ലാ­വണം ചുമര്‌

പെൺപ­ന്നി­യുടെ കൂട്‌ ആൺപ­ന്നി­യു­ടെ­തു­പോ­ലുള്ള കൂടും പൊതു­സ്ഥ­ലവും ലഭ്യ­മാ­ക്കാം. ഒരു കൂട്ടിൽ 10­-15 പെൺപന്നി­കളെ പാർപ്പി­ക്കാം. ഒന്നിന്‌ 2 ച.­മീ. സ്ഥലം എന്ന രീതി­യിൽ ലഭ്യ­മാ­ക്കാം.

പ്രസ­വിച്ച പന്നി­ക്കുള്ള കൂട്‌

ഇവയെ പ്രത്യേകം ഈറ്റി­ല്ല­ങ്ങ­ളിൽ പാർപ്പി­ക്ക­ണം. 2.5 ഃ4ഃ10 ച.മീ സ്ഥലം എന്ന അള­വിൽ അഴി­യ­ടിച്ച കൂടു­ക­ളാണ്‌ വേണ്ട­ത്‌. ക്രീപ്പ്‌ ഏരി­യ, വെള്ളം, ഇവ­യെല്ലാം ഉൾക്കൊ­ള്ളി­ക്ക­ണം.
വള­രുന്ന വക്ക്‌ വളർന്നു കൊഴു­ക്കുന്ന പന്നി­കൾക്ക്‌ കവർചെയ്ത ഒരു കോൺക്രീ­റ്റ്മുറ്റം ലഭ്യ­മാ­ക്ക­ണം. മുൻവ­ശത്തു ക്രമീ­ക­രി­ച്ചി­രി­ക്കുന്ന കുടി­വെള്ളം തീറ്റ വിശ്ര­മി­ക്കാ­നുള്ള സ്ഥലം എന്നി­വ­യെല്ലാം അട­ങ്ങിയ കൂട്‌ വാസ­സ്ഥ­ല­മാണ്‌ പരി­പാ­ല­ന­ത്തി­നായി ഉദ്ദേ­ശി­ക്കു­ന്ന­ത്‌. 2 ച.മീ ഒന്നിന്‌ എന്ന അള­വി­ലാണ്‌ സ്ഥല സൗക­ര്യം.

പന്നി­ക­ളുടെ പ്രത്യു­ത്പാ­ദനം;

പന്നി­ക­ളുടെ പ്രത്യു­ത്പാ­ദനം

ബ്രീഡിം­ങ്ങി­നായി ആൺപ­ന്നി­കളെ തെര­ഞ്ഞെ­ടു­ക്കു­മ്പോൾ

നല്ല ഉത്പാ­ദ­ന­ഗു­ണ­മുള്ള മാതൃ­-­പിതൃ പന്നി­ക­ളുടെ സന്തതി ആയി­രി­ക്ക­ണം.
8 അംഗ­ങ്ങ­ളു­ള്ളതും ശരാ­ശരി വീനിംങ്ങ്‌ ഭാരം 72 കി.ഗ്രാം ഉള്ള­തു­മായി ഒരു­ലി­റ്റ­റിലെ അംഗ­മാ­യി­രി­ക്ക­ണം.
മേൽപ­റഞ്ഞ പ്രാഥ­മിക പരി­ഗ­ണ­ന­ക­ളുള്ള 5 മാസം പ്രായ­മായ ശരീ­ര­ഭാരം മിനിമം 60 കി.ഗ്രാം ഉള്ള ഒന്നാ­യി­രി­ക്ക­ണം. അന്തിമ തെര­ഞ്ഞെ­ടു­പ്പിനു പരി­ഗ­ണി­ക്കു­മ്പോൾ 7 മാസം പ്രായ­മാ­യതും 90 കി.ഗ്രാം ഭാര­മു­ള്ള­തു­മായ ഒരു ആൺപ­ന്നിയെ തെര­ഞ്ഞെ­ടു­ക്കാം.
ഒരു കാര­ണ­വ­ശാലും ശാരീ­രി­ക­വൈ­ഗ­ല്യ­ങ്ങ­ളുള്ളവ ആക­രു­ത്‌.
ബീജ­സ­ങ്ക­ല­ന­ത്തി­നു­പ­യോ­ഗി­ക്കുന്ന ആണും പെണ്ണും വ്യത്യ­സ്ത ­ലിറ്റ റിലു­ള്ള­വ­യാ­വ­ണം. ആൺപ­ന്നി­കളെ കാലാ­വുധി അനു­സ­രിച്ച്‌ -ര­ണ്ടു­വർഷ­ത്തി­ലൊ­രുക്കൽ മാറ്റ­ണം.

ആൺപ­ന്നി­യുടെ പരി­പാ­ലനം

ലൈഗിംക പക്വത 7 മാസം ആകു­മ്പോൾ ഉണ്ടാ­കു­മെ­ങ്കിലും 10­-12 ആയ­തി­നു­ശേഷം (ഭാരം 100 കി.­ഗ്രാം) ആയാൽ മാത്രമേ പതി­വായി ഉപ­യോ­ഗി­ക്കാ­വൂ. ഇവയെ സേവ­ന­ത്തി­നു­ശേ­ഷമേ തീറ്റ­യെ­ടു­ക്കാൻ അനു­വ­ദി­ക്കാ­വൂ. ആൺപെൺ അനു­പാതം 1:25 പുറത്ത്‌ വ്യായ­മ­ത്തി­നുള്ള അവ­സരം ലഭ്യ­മാ­ക്കി­യാൽ ഇവ ഊർജ്ജ­സ്വ­ല­ത­രാ­യി­രി­ക്കും. കൂടു­തൽ തടി­ക്കാനോ മെലി­യാനോ അനു­വ­ദി­ക്ക­രു­ത്‌. ആൺപ­ന്നി­കളെ കരു­ത­ലോ­ടെയും ശ്രദ്ധ­യോ­ടെയും കൈകാര്യം ചെയ്യ­ണം. ഇവ എപ്പോൾ വേണ­മെ­ങ്കിലും അപ­ക­ട­കാ­രി­യാ­വാം എന്നോർക്കു­ക. ഓരോ­ന്നി­നേയും പ്രത്യേകം പ്രത്യേകം പാർപ്പി­ക്കു­ക. പ്രായ­മ­നു­സ­രിച്ച്‌ ആഴ്ച­യിൽ 2 മുതൽ 4 വരെ സേവനം ആവാം. ഇവയെ ബ്രൂസെ­ല്ലാ­സിസിലെപ്പ്റ്റോ സൈപ­റോ­സിസ പരിശോധന­കൾക്ക്‌ ഇട­ക്കി­ടക്ക്‌ വിധേ­യ­മാ­ക്കണം.

പെൺപന്നി

നല്ല മാതൃ­ഗു­ണ­മുള്ള (ലി­റ്റർവ­ലി­പ്പവും വീനിംങ്ങ്‌ ഭാരവും കണ­ക്കി­ലെ­ടുത്ത്‌ ) പന്നി­ക­ളിൽ നിന്നു വേണം പ്രത്യ­ത്പാ­ദ­ന­ത്തി­നുള്ളവയെ തെര­ഞ്ഞെ­ടു­ക്കാൻ. 12­-14 വരെ തുല്യ അക­ല­ത്തി­ലുള്ള മുല­ക്കാ­മ്പു­ക­ളും, നല്ല വളർച്ചയും ഉണ്ടാ­യി­രി­ക്ക­ണം.
കുഞ്ഞു­ങ്ങ­ളിൽനിന്നു അക­റ്റിയ പന്നി: പ്രസ­വിച്ച്‌ 8 ആഴ്ച­യാ­കു­മ്പോൾ മുല­കു­ടി­മാറ്റും ഇങ്ങിനെ മാറ്റിയ പന്നി 3-10 ദിവ­സ­ത്തി­നു­ള്ളിൽ മദി­യി­ലാ­വും. ആദ്യ­മ­ദ­തന്നെ ബീജ­സ­ങ്ക­ലനം നട­ത്തണം ക്ഷീണി­ത­യാ­ണെ­ങ്കിൽ പോഷ­ക­ഗു­ണ­മുള്ള തീറ്റ­കൊ­ടു­ത്താൽ പെട്ടെന്ന്‌ ആരെഗ്യം വീണ്ടെ­ടു­ക്കാം.
ഗർഭിണി പന്നി­ക­ളും പന്നി­ത്ത­രു­ണി­കളും: പോഷ­സ­മ്പു­ഷ്ട­മായ തീറ്റ­ക്കു­പു­റമേ പതി­വായി വ്യായാ­മവും ആവ­ശ്യ­മാ­ണ്‌. ഭക്ഷണം വച്ചു­കൊ­ടുത്ത്‌ അൽപ­ദൂര നട­ത്തി­ക്കു­ന്നത്‌ ഒരു വ്യായാ­മ­മാ­കും. ഒരേ അവ­സ്ഥ­യി­ലുള്ളവയെ ഒരു­മിച്ചു നട­ത്തി­ക്കാം. ബൂജ­സ­ങ്ക­ലനം നട­ത്തി­യ­വയെയും അല്ലാ­ത്ത­വ­യെയും പ്രത്യേകം പ്രത്യേകം പാർപ്പി­ക്ക­ണം. ഗർഭി­ണി­ക­ളുടെ കൂടെ ആൺപ­ന്ന­കളെ ഒരു കാര­ണ­വ­ശാലും പാർപ്പി­ക്ക­രു­ത്‌. തിക്കും­തി­രക്കും ഉണ്ടാ­ക­രു­ത്‌. തെന്നി­വീ­ഴുന്ന തറ ഒഴി­വാ­ക്ക­ണം. ഗർഭി­ണി­കൾക്ക്‌ ഒരു തര­ത്തി­ലുള്ള സമ്മർദ്ദവും പാടി­ല്ല

രോഗ­നി­യ­ന്ത്രണം;
രോഗ­ല­ക്ഷ­ണ­ങ്ങ­ളായ തീറ്റ­യെ­ടു­ക്കു­ന്നത്‌ കുറ­യൽ, പനി, വിസർജ്ജന വൈക­ല്യ­ങ്ങൾ, മറ്റു അസാ­ധാ­രണ സ്വഭാ­വ­ങ്ങൾ എന്നിവ നിരീ­ക്ഷി­ക്കു­ക.
രോഗം സംശ­യി­ക്കു­ന്നു­വെ­ങ്കിൽ അടു­ത്തുള്ള വെറ്റി­ന­റി­ഡോ­ക്ട­റുടെ യോ ആരോഗ്യ കേന്ദ്ര­ങ്ങ­ളു­ടെയോ സഹായം തേടുക
സാധാ­രണ കണ്ടു­വ­രുന്ന രോഗ­ങ്ങ­ളിൽ നിന്നുള്ള സുരക്ഷ ഉറ­പ്പാ­ക്കു­ക.
പകർച്ച­വ്യാധി പൊട്ടി പുറ­പ്പെ­ടു­ന്ന­തായി തോന്നി­യാൽ രോഗം ബാധിച്ച കന്നിനെ മറ്റു­ള്ള­വ­യിൽ നിന്ന്‌ ഉട­നടി മാറ്റി­പാർപ്പിച്ച്‌ സുര­ക്ഷാ­മർഗ്ഗ­ങ്ങൾ അവ­ലം­ബി­ക്കു­ക.
പതി­വായി വിര­നിർമ്മാർജ്ജനം നട­ത്തുക
മൃഗ­ങ്ങ­ളുടെ ചാണകം പരി­ശോ­ധിച്ച്‌ ആന്ത­രിക പരാ­ദ­ങ്ങ­ളുടെ സാന്നി­ദ്ധ്യ­മു­ണ്ടെ­ങ്കിൽ ആവ­ശ്യായ മരു­ന്നു­കൾ കൊടു­ക്കു­ക.
ആരോ­ഗ്യ­പ്ര­ശ്ന­ങ്ങൾ ഒഴി­വാ­ക്കാൻ ഭക്ഷ­ണ­ത്തിലും കുടി­വെ­ള്ള­ത്തിലും ശുചിത്വം പാലി­ക്കു­ക. പ്രതി­രോധ വാക്സി­നു­കൾ കുത്തി­വെ­യ്പു­കൾ ക്രമ­മായി പിൻതു­ട­രു­ക.
രോഗനിയ­ന്ത്ര­ണവും ചികി­ത്സയും

രോഗങ്ങൾ

ലക്ഷ­ണം

നിയ­ന്ത്ര­ണവും ചികി­ത്സയും

മാസ്റ്റി­റ്റിസ്‌ (അകി­ടു­വീക്കം )
വേദ­ന­യോടെ വീർത്തു­കെട്ടി പനി­യുള്ള അകി­ട്‌.നേർത്തതും ചോര­ക­ലർന്ന­തു­മായ അകിട്‌
ശുചിത്വം വർദ്ധി­പ്പി­ക്കുക ആവ­ശ്യ­മായ ആന്റി­ബ­യോ­ട്ടി­ക്കു­കൾ കൊടു­ക്കുക

കുള­മ്പ­ചീ­യൽ
കുളമ്പ്‌ ചീഞ്ഞത്‌ പോലെ കാണ­പെ­ടു­കയും വൃത്തി­കെ­ട്ട­മണം വമി­ക്കു­കയും ചെയ്യും. പതുക്കെ അമർത്തു­മ്പോൾ വേദന ലക്ഷ­ണ­ങ്ങൾ കാണി­ക്കുന്നു
കോപ്പർസൾഫേറ്റ്‌ ലായനിയിൽ മുക്കുക

ബ്രൂസെ­ല്ലോ­സിസ്‌
അക്ഷ­മ, ചോറി­ച്ചിൽ, ഭാരം കുറ­യൽ, പാൽ കുറ­യുന്നു
പൊടി­യായോ (സ്പ്രേ ആയോ കുതിർത്തു­കൊ­ടു­ക്കു­ന്നതോ ആയ രാസ വസ്തു­ക്കൾ ഉപ­യോ­ഗി­ക്കുക

വിഷ­ബാധ
കുഴ­ഞ്ഞു­പോ­കു­ക- തുടർന്ന്‌ ബോധ­ക്ഷയം ശക്തി­യായ വേദ­ന, ഛർദ്ദി, തുടർന്നു മരണം
വിഷ­മുള്ള സസ്യങ്ങ­ളിൽ നിന്നും രാസ­വ­സ്തു­ക്ക­ളിൽ നിന്നും അക­റ്റി­സൂ­ക്ഷി­ക്കു­ക. ഉടനെ ചികിത്സ കൊടു­ക്കുക
ബ്ളോട്ട്‌
വയ­റിന്റെ ഇട­തു­ഭാഗം വീർത്തി­രി­ക്കു­ന്നു. ശ്വസി­ക്കാൻ ബുദ്ധി­മുട്ട്‌ അസ്വ­സ്ഥത പ്രക­ടി­പ്പി­ക്കുന്നു
പച്ച­പ്പുല്ല്‌ അധികം കൊടു­ക്കു­ന്നത്‌ ഒഴി­വാ­ക്കു­ക. …

12072637_164142713931306_3442362646304417585_n 17021_164142693931308_1897318447286321581_n 12106807_164142700597974_6138482457898310570_n

തീറ്റപ്പുൽകൃഷി

കേരളത്തിൽ അഞ്ചു ലക്ഷം ക്ഷീരകർഷകരുണ്ട്. ഇതിൽ തീറ്റപ്പുൽകൃഷി നടത്തുന്നവരെ സംബന്ധിച്ച് ലാഭം ചുരത്തുന്ന ഒരു കാമധേനു തന്നെയാണിത്. അമേരിക്കയിലെ, ദേശീയ കാർഷിക ഗവേഷണ കൗണ്‍സിലിന്‍റെ ശിപാർശപ്രകാരം ഒരു കറവപ്പശുവിന്‍റെ തീറ്റയിൽ ചുരുങ്ങിയത് 25 മുതൽ 33 ശതമാനം വരെ നാര്, ന്യൂട്രൽ ഡിറ്റർജന്‍റ് ഫൈബർ(എൻഡിഎഫ്) രൂപത്തിൽ അടങ്ങിയിരിക്കണം. ഇതിൽ 75 ശതമാനം പരുഷാഹാരത്തിൽ നിന്നു വരണം.


ആഹാരക്രമീകരണം

പശുവിന് ഒരു ദിവസം നൽകേണ്ട ചിട്ടപ്പെടുത്തിയ ആഹാരക്രമമാണ് ശാസ്ത്രീയ ആഹാരക്രമീകരണം. 10 മുതൽ 15 ലിറ്റർ വരെ പാൽ തരുന്ന പശുവിന് 60 ശതമാനം സാന്ദ്രീകൃതാഹാരമായ കാലിത്തീറ്റയ്ക്കു പുറമെ, 40 ശതമാനം പരുഷാഹാരവും കൊടുത്താൽ മാത്രമേ 25-33 ശതമാനം നാര് പശുവിനു ലഭിക്കൂ .

പരുഷാഹാരത്തിന്‍റെ പ്രാധാന്യം

കൂടുതൽ നാരടങ്ങിയ പച്ചപ്പുല്ല്, പയറുവർഗച്ചെടികൾ, വൈക്കോൽ തുടങ്ങിയവയെയാണ് പരുഷാഹാരമെന്നു പറയുന്നത്. പശുവിന്‍റെ ആമാശയത്തിന്‍റെ വലിയ അറയായ റുമൻ നിറഞ്ഞിരിക്കുന്നതിനും, ശരിയായ ദഹനപ്രക്രിയ നടക്കുന്നതിനും പരുഷാഹാരം കൂടിയേ തീരൂ. വൈക്കോൽ പരുഷാഹാരമാണെങ്കിലും പോഷകാംശം തീരെയില്ല. പ്രകൃതിദത്ത പോഷകങ്ങളടങ്ങിയ പച്ചപ്പുല്ല് നല്ലൊരു പരുഷാഹാരമാണ്. 20 കിലോ പച്ചപ്പുല്ല് ഒരുകിലോ കാലിത്തീറ്റക്കു പകരം വയ്ക്കാം. ലാഭകരമായ പാലുത്പാദനത്തിൽ പച്ചപ്പുല്ല് ഒഴിച്ചു കൂടാനാവാത്തതാണ്. 

പുല്ലുകൾ

കന്നുകാലികൾ ഏറെ ഇഷ്ടപ്പെടുന്ന ഒരു തീറ്റയാണ് പച്ചപ്പുല്ല്. ശരാശരി 1.5 ശതമാനം മൊത്ത പചനീയ മാംസ്യവും, 14 ശതമാനം മൊത്ത പചനീയ ഉൗർജവുമുണ്ട്. കാൽസ്യം, വിവിധ സൂക്ഷ്മ ധാതുക്കൾ, ബി ജീവകങ്ങൾ എന്നിവയും ജീവകം എയും പുല്ലുകളിലുണ്ട്. പച്ചപ്പുല്ല് കഴിച്ചു വളരുന്ന പശുക്കളുടെ ഉത്പാദനക്ഷമതയും പ്രത്യുത്പാദനക്ഷമതയും കൂടുതലായിരിക്കും.

തനിവിളയായോ, തെങ്ങ്, കവുങ്ങ് തോട്ടങ്ങളിൽ ഇടവിളയായോ പുല്ലുകൃഷി ചെയ്യാം. പാടവരന്പുകളിലും, അതിരുകളിലുമെല്ലാം തീറ്റപ്പുല്ലിന് ഇടം കണ്ടെത്താം.

കേരളത്തിനു പറ്റിയ ഇനങ്ങൾ, കൃഷിരീതി 

1. നേപ്പിയർ പുല്ല് അഥവാ ആനപ്പുല്ല്
ഏറ്റവും ഉയരത്തിൽ വളരുന്ന ഒരു പുല്ലിനമാണ് നേപ്പിയർ. ഈ പുല്ല് വളർന്നു നിൽക്കുന്നതിനിടയിൽ ഒരു ആന നിന്നാൽ പോലും കാണില്ലത്രേ. തനിവിളയായി മാത്രം കൃഷിചെയ്യാവുന്ന ഒരിനമാണ് നേപ്പിയർ. നേപ്പിയറിന്‍റെയും ബാജ്റയുടെയും സങ്കരയിനം പുല്ലായ സങ്കരനേപ്പിയറാണ് പുൽകൃഷിയിൽ പ്രചുരപ്രചാരം സിദ്ധിച്ച പുല്ലിനം. കോയന്പത്തൂർ കാർഷിക സർവകലാശാല വികസിപ്പിച്ചെടുത്ത സങ്കരനേപ്പിയർ പുല്ലിനങ്ങളാണ് സിഒ1, സിഒ2, സിഒ3, സിഒ 4, സിഒ5 എന്നിവ. ഇതിൽ വളരെ വേഗം വളരുന്നതും, ഉയർന്ന വിളവു തരുന്നതുമായ സിഒ 3 യാണ് ക്ഷീരകർഷകരുടെ ഇടയിൽ ഏറ്റവും പ്രചാരം നേടിയിട്ടുള്ളത്. അടുത്തയിട പുറത്തിറങ്ങിയ സിഒ നാലും സിഒ അഞ്ചും കർഷകരുടെ ഇടയിൽ പ്രചാരം നേടി വരുന്നു.

നിലമൊരുക്കൽ

നന്നായി ഉഴുതുമറിച്ച് കളകൾ മാറ്റി കട്ടകൾ ഉടച്ച്, മണ്ണ് നിരപ്പാക്കണം. അതിനു ശേഷം 60 മുതൽ 75 സെന്‍റീമീറ്റർ അകലത്തിൽ 15 സെന്‍റീമീറ്റർ വീതിയിലും 20 സെന്‍റീമീറ്റർ താഴ്ചയിലും ചാലുകളെടുക്കണം. ഈ ചാലുകളിൽ അടിവളം ചേർത്ത് മണ്ണിട്ടു മൂടി, 15 സെന്‍റീമീറ്റർ ഉയരത്തിൽ വരന്പുകളാക്കി മാറ്റുന്നു. ഈ വരന്പുകളിൽ 50 മുതൽ 75 വരെ സെന്‍റിമീറ്റർ വരെ അകലത്തിലാണ് തണ്ടു നടേണ്ടത്. നിശ്ചിത അകലത്തിൽ ചെറിയ കുഴികളെടുത്ത് അതിൽ അടിവളം ചേർത്ത് മണ്ണിട്ടു മൂടിയതിനുശേഷവും നടാം.

നടീൽ വസ്തുക്കൾ

തണ്ട് മുറിച്ചു നട്ടോ, വേരുപിടിപ്പിച്ച ചിനപ്പുകൾ നട്ടോ ആണ് സങ്കരനേപ്പിയർ പുല്ല് വളർത്തേണ്ടത്. വിത്ത് വിതച്ചതുകൊണ്ട് ഈ പുല്ല് വളരില്ല. കാരണം, സങ്കരനേപ്പിയറിന്‍റെ വിത്തുകൾ വന്ധ്യമാണ് -നട്ടാലും മുളയ്ക്കില്ല.

മൂന്നു മാസം മൂപ്പുള്ള തണ്ടിൽ നിന്നാണ് നടീൽ വസ്തു ശേഖരിക്കേണ്ടത്. ഇളംതല മാറ്റിയതിനുശേഷം രണ്ടു മുട്ടുള്ള കഷണങ്ങളായി മുറിച്ചെടുത്തതണ്ട്, നിശ്ചിത അകലത്തിൽ ഏതാണ്ട് 45 ഡിഗ്രി ചെരിച്ച്, ഒരു മുട്ടെങ്കിലും മണ്ണിനടിയിൽ പോകത്തക്കവിധം നടണം. വെള്ളക്കെട്ടില്ലാത്ത ഉയർന്ന പ്രദേശങ്ങളിൽ തണ്ട് മണ്ണിൽ കിടത്തി നടാം. ഇങ്ങനെ നടുന്പോൾ ഒരു മുട്ടുള്ള തണ്ടിൻ കഷണവും ഉപയോഗിക്കാം. മുളച്ചു പൊങ്ങിവരുന്പോൾ മുട്ടു നീക്കിക്കൊടുക്കണം.

ഒരു വർഷത്തിനു മേൽ പ്രായമായ കട ഇളക്കി, 15-20 സെന്‍റീമീറ്റർ നീളത്തിൽ തണ്ടോടുകൂടി വേർപെടുത്തിയ വേരുകളുള്ള ചിനപ്പുകളും നടീൽ വസ്തുവായി ഉപയോഗിക്കാം. ഇപ്രകാരം നടുന്ന കടകൾ വളരെ വേഗം വേരു പിടിച്ചു കിട്ടുമെങ്കിലും, കടയിളക്കി ചിനപ്പുകൾ വേർപെടുത്തി എടുക്കുന്നത് അൽപം ശ്രമകരമാണ്. നടുന്പോൾ വരികൾ തമ്മിലും ഒരേ വരിയിലെ കടകൾ തമ്മിലും 60-75 സെന്‍റീമീറ്റർ വരെ അകലം ഉണ്ടാകാൻ ശ്രദ്ധിക്കണം. ഒരു സെന്‍റിൽ നടുന്നതിന് ഏകദേശം 100 തണ്ട് കട മതിയാകും.

ജലസേചനം

മഴയില്ലാത്ത അവസരത്തിൽ ആഴ്ചയിലൊരിക്കൽ ജലസേചനം നടത്തണം. മഴക്കാലത്തിനുശേഷം നടുന്ന അവസരത്തിൽ തണ്ട് മണ്ണിന് സമാന്തരമായി കിടത്തി നട്ട് ചപ്പുചവറുകൾക്കൊ ണ്ട് പുതയിടുന്നത് ഈർപ്പം നിലനിർത്താൻ സഹായിക്കും.

കളനിയന്ത്രണം

ആദ്യത്തെ മാസം, ഒന്നു-രണ്ടുപ്രാവശ്യം കളകൾ നീക്കം ചെയ്ത് പുല്ലിനു വേണ്ടത്ര വളർച്ച ഉറപ്പുവരുത്തണം. നന്നായി വളർന്നു കഴിഞ്ഞാൽ കളകൾ അമർച്ച ചെയ്യാൻ സങ്കരനേപ്പിയറിനു കഴിയുമെന്നതിനാൽ കളകൾ വലിയ പ്രശ്നമാകാറില്ല.

വളപ്രയോഗം

നടുന്നതിനു മുന്പ് അടിവളമായി ഹെക്ടർ ഒന്നിന് 20 ടണ്‍ (ഒരു സെന്‍റിൽ 80 കിലോഗ്രാം) കോഴിക്കാഷ്ഠം, ആട്ടിൻകാഷ്ഠം എന്നിവയിൽ ഏതെങ്കിലും മണ്ണിൽ ചേർത്തുകൊടുക്കണം. ഇതോടൊപ്പം 250 കിലോ മസൂറിഫോസും (ഒരു സെന്‍റിന് ഒരു കിലോഗ്രാം) 85 കിലോഗ്രാം മ്യൂറേറ്റ് ഓഫ് പൊട്ടാഷും (ഒരു സെന്‍റിന് 350 ഗ്രാം) ചേർക്കണം. വർഷത്തിൽ നാലു പ്രാവശ്യം പുല്ല് അരിഞ്ഞതിനുശേഷം ഹെക്ടറിന് 100 കിലോഗ്രാം (ഒരു സെന്‍റിന് 400 ഗ്രാം) എന്ന തോതിൽ യുറിയ നൽകുന്നതു വളർച്ച ത്വരിതപ്പെടുത്തും. തൊഴുത്തു കഴുകിയ വെള്ളവും ഗോമൂത്രവും പുല്ലിൽ കണ്ടത്തിലേക്ക് ഒഴുക്കി വിടാൻ സൗകര്യമുള്ള സ്ഥലത്ത് മേൽവളമായി യൂറിയ നൽകേണ്ട ആവശ്യമില്ല.

വിളവെടുപ്പ്

നട്ട് 75 – 90 ദിവസം ആകുന്പോഴേക്കും പുല്ല് അരിഞ്ഞെടുക്കാൻ പാകമാകും. ചുവട്ടിൽ 15-20 സെന്‍റീമീറ്റർ കട നിർത്തിയതിനുശേഷം വേണം അരിഞ്ഞെടുക്കാൻ. തുടർന്ന് 30-35 ദിവസത്തിനകം വിളവെടുക്കാം. ജലസേചന സൗകര്യമുള്ള സ്ഥലത്തു നിന്ന് ഒരു വർഷം 8-10 പ്രാവശ്യം വരെ പുല്ല് അരിഞ്ഞെടുക്കാൻ സാധിക്കും. വേണ്ടത്ര പോഷക ഗുണം ലഭിക്കുന്നതിനു വേണ്ടി പുല്ല് കൃത്യസമയത്തുതതന്നെ മുറിച്ചെടുക്കാൻ പ്രത്യേകം ശ്രദ്ധിക്കണം. മൂപ്പു കൂടിയാൽ തണ്ടിന്‍റെ ഉറപ്പുകൂടുകയും, നീരു കുറയുകയും ചെയ്യുന്നു. തണ്ട്, ചെറിയ കഷണങ്ങളാക്കി അരിഞ്ഞു കൊടുത്താൽ, തീറ്റ പാഴാക്കിക്കളയുന്നത് പരമാവധി ഒഴിവാക്കുവാൻ സാധിക്കും.

ഉത്പാദനക്ഷമത

നന്നായി പരിപാലിച്ചാൽ ഒരു വർഷം ഒരു ഹെക്ടറിൽ നിന്നും 350 മുതൽ 400 ടണ്‍ വരെ പച്ചപ്പുല്ല് ഉത്പാദിപ്പിക്കാൻ ശേഷിയുള്ള ഇനങ്ങളാണ് സിഒ 3, സിഒ 4, സിഒ 5 എന്നിവ. ഒരു പശുവിന് ഒരു ദിവസം 25 മുതൽ 30 കിലോ വരെ പച്ചപ്പുല്ല് ആവശ്യമുണ്ട്. ഉത്പാദനക്ഷമതയുള്ള ഒരു ചെടിയിൽ നിന്ന് ഒരു പ്രാവശ്യം 5-6 കിലോഗ്രാം പച്ചപ്പുല്ല് കിട്ടും. ഒരു ദിവസം 4-5 ചുവട് അരിഞ്ഞെടുത്താൽ ഒരു പശുവിനു വേണ്ട പുല്ലാകും. സാധാരണയായി ഒരു സെന്‍റിൽ ഉദ്ദേശം 100 ചുവട് ഉണ്ടാകും. മൂന്നാഴ്ചത്തേക്കുള്ള പുല്ല്. ഇപ്രകാരം, നല്ല സൂര്യപ്രകാശം കിട്ടുന്ന മൂന്നു സെന്‍റ് സ്ഥലത്ത് സങ്കരനേപ്പിയർ പുല്ല് കൃഷി ചെയ്താൽ ഒരു പശുവിനെ വളർത്താനുള്ള തീറ്റപ്പുല്ല് ലഭിക്കും.

2. ഗിനിപ്പുല്ല്

നമ്മുടെ നാട്ടിലെ എല്ലാത്തരം മണ്ണിനും യോജിച്ചതും കന്നുകാലികൾ ഇഷ്ടപ്പെടുന്ന ഒരു പുല്ലിനവുമാണിത്. തെങ്ങിൻ തോപ്പുകളിൽ ഇടവിളയായും, മറ്റു പുല്ലുകളുമായി ഇടകലർത്തിയും ഇതുകൃഷിചെയ്യാം. വേരോടു കൂടിയ കടകൾ ഉപയോഗിച്ചും, വിത്തു വിതച്ചും കൃഷി ചെയ്യാൻ കഴിയും. നട്ട് 70-80 ദിവസം കഴിഞ്ഞും പിന്നീട് 40-45 ദിവസം ഇടവിട്ടും വളർച്ചയനുസരിച്ച് പുല്ലരിഞ്ഞെടുക്കാവുന്നതാണ്. ജലസേചനമുണ്ടെങ്കിൽ ഒരു ഹെക്ടറിന് ഏകദേശം 100 ടണ്‍ വരെ വിളവ് ഒരു വർഷം കിട്ടും. തെങ്ങിൻ തോപ്പുകളിൽ ഇടവിളയായി കൃഷി ചെയ്യുന്പോൾ 40-50 ടണ്‍ വരെ പുല്ല് കിട്ടും.

3. പാരാപ്പുല്ല് അഥവാ എരുമപ്പുല്ല്

നല്ല ഈർപ്പവും വെള്ളക്കെട്ടുമുള്ള സ്ഥലങ്ങളിൽ കൃഷി ചെയ്യാൻ ഏറ്റവും അനയോജ്യമാണിത്. അതുകൊണ്ടാണ് ഇതിന് എരുമപ്പുല്ലെന്നു പറയുന്നത്. തണ്ടുകൾ മുറിച്ചു നട്ട് ഈ പുല്ല് കൃഷിചെയ്യാം. നട്ടു കഴിഞ്ഞാൽ ഇടൻ തന്നെ തറനനയ്ക്കണം. തറയിൽ പടർന്നു വളരുന്ന ഈ പുല്ലിന്‍റെ ഉത്പാദനം മറ്റു പുല്ലുകളേക്കാൾ കുറവാണ്.



4. കോംഗോസിഗ്നൽ

എരുമപ്പുല്ലിന്‍റെ വർഗത്തിൽ തന്നെപെട്ടതാണീ പുല്ലെങ്കിലും വെള്ളക്കെട്ടില്ലാത്ത സ്ഥലത്തു മാത്രമേ ഇതു വളർത്താവൂ. ഏതുതരം മണ്ണിനും യോജിച്ചതും കന്നുകാലികൾ വളരെ ഇഷ്ടപ്പെടുന്നതുമായ ഒരു പുല്ലിനമാണിത്. വെള്ളം കെട്ടി നിന്നാൽ കോംഗോ പുല്ല് നശിച്ചുപോകമെന്നകാര്യം പ്രത്യേകം ശ്രദ്ധിക്കണം. പാരാ പുല്ലിനെ പോലെ, തണ്ട് തറയിലൂടെ ഇഴഞ്ഞ് മുട്ടുകളിൽ നിന്ന് മുകളിലേക്കു വളരുന്നു. തെങ്ങിൻ തോപ്പുകളിൽ ഇടവിളയായും നടാവുന്നതാണ്. വിത്ത് വിതച്ചോ, തൈ, തണ്ട് എന്നിവ നട്ടോ പ്രസരണം നടത്താം. ഒരു ഹെക്ടറിൽ നടാൻ ആറു മുതൽ എട്ടു കിലോഗ്രാം വിത്ത് ആവശ്യമാണ്. ഒരു സെന്‍റീമീറ്റർ താഴ്ചയിൽ മണ്ണിനടിയിൽ പോകത്തക്ക രീതിയിൽ വേണം വിത്തു വിതയ്ക്കാൻ. 60 ദിവസത്തിനുശേഷവും പിന്നീട് 30-40 ദിവസം ഇടവിട്ടും, വളർച്ചയ്ക്കനുസരിച്ച് പുല്ല് അരിഞ്ഞെടുക്കാവുന്നതാണ്. നല്ല ജലസേചന സൗകര്യമുണ്ടെങ്കിൽ 80 ടണ്‍ വിളവ് ഒരു ഹെക്ടറിൽ നിന്നും ലഭിക്കും. തണ്ടിനെ അപേക്ഷിച്ച് ഇലയുടെ അനുപാതം കൂടുതലുള്ള ഈ പുല്ല്, ഉണക്കി സൂക്ഷിക്കാൻ വളരെ യോജിച്ചതാണ്. ഇത്തരത്തിൽ ഉണക്കി സൂക്ഷിക്കുന്ന പുല്ലിന് ഹേ എന്നു പറുയുന്നു.

പയർവർഗചെടികൾ 

പുല്ലുകളെ അപേക്ഷിച്ച് കൂടുതൽ പോഷകമൂല്യമുള്ളതാണ് പയർവർഗ ചെടികൾ. പുല്ലിനേക്കാൾ രണ്ടര ഇരട്ടിയിലധികം മാംസ്യവും അത്രതന്നെ ഉൗർജവും ഇവയിൽ അടങ്ങിയിട്ടുണ്ട്. നാലു ശതമാനം മൊത്ത പചനീയ മാംസ്യവും, 14 ശതമാനം മൊത്ത പചനീയ ഉൗർജവും. ധാതുക്കൾ, ജീവകങ്ങൾ എന്നിവയുടെ ലഭ്യതയിലും ഇവ പുല്ലുകളേക്കാൾ മെച്ചപ്പെട്ടതാണ്. പ്രത്യേകിച്ചും കാത്സ്യത്തിന്‍റെ ലഭ്യതയിൽ. ഏകദേശം എട്ടു കിലോ പയർവർഗ ചെടികൾ ഒരു കാലിത്തീറ്റയ്ക്കു സമാനമാണ്. അതിനാൽ പയർവർഗ ചെടികൾ തീറ്റയിൽ ഉൾപ്പെടുത്തുന്നത് കാലിത്തീറ്റയുടെ അളവു കുറയ്ക്കുവാനും തീറ്റച്ചെലവു കുറയ്ക്കുക വഴി കൂടുതൽ ലാഭം നേടുവാനും സഹായിക്കും.

നമ്മുടെ നാടിനും മണ്ണിനും കാലാവസ്ഥയ്ക്കും യോജിച്ച രണ്ടു പയർവർഗചെടികളാണ് വൻപയറും തോട്ടപ്പയറും. നല്ല ജലസേചന സൗകര്യമുണ്ടെങ്കിൽ ഏകദേശം 15 ടണ്‍ വിളവ് ഒരു ഹെക്ടറിൽ നിന്നും ലഭിക്കും. സാധാരണയായി പശുക്കൾക്ക് പയർവർഗ ചെടികൾ അത്ര ഇഷ്ടമില്ല. എങ്കിലും ശീലിച്ചു കഴിഞ്ഞാൽ അവ വളരെ ഹൃദ്യമായി ഭക്ഷിക്കുന്നുതു കാണാം. പയർവ ർഗ ചെടികൾ പ്രത്യേകമായോ, പുല്ലിനോട് ചേർത്ത് കൂട്ടുകൃഷിയോ ചെയ്യാവുന്നതാണ്.

ധാന്യവിളകൾ

കൂടുതൽ വിളവു തരുന്നതും, കാലിത്തീറ്റയുടെ യോജിച്ചതുമായ ഹ്രസ്വകല സസ്യവർഗങ്ങളാണ് ധാന്യ വിളകൾ. ഇവയിൽ പ്രധാനപ്പെട്ടതാണ് മക്കച്ചോളം. ഇതിൽ ധാന്യകം കൂടുതലായി അടങ്ങിയിട്ടുണ്ട്. വായു കടക്കാത്ത അറകളിൽ വച്ച് സംസ്കരിച്ച സൈലേജ്, അല്ലെങ്കിൽ പുല്ലച്ചാർ ഉണ്ടാക്കുവാൻ ഏറ്റവും ഉത്തമമാണിത്.

ധാരാളം സൂര്യപ്രകാശം ലഭിക്കുന്നതും, നല്ല നീർവാർച്ചയുള്ളതുമായ ഏതു മണ്ണും, കൃഷി ചെയ്യാൻ അനുയോജ്യമാണ്. ജലസേചന സൗകര്യമുണ്ടെങ്കിൽ ഒരു വർഷം നാലു പ്രാവശ്യം കൃഷി ചെയ്യാം. ഹെക്ടറിന് നാലു കിലോഗ്രാം വിത്ത് ആവശ്യമാണ്. വിതച്ച് 70-75 ദിവസമാകുന്പോൾ വിളവെടുക്കാവുന്നതാണ്. ഉദ്ദേശ്യം 40-45 ടണ്‍ വിളവ് ഒരു ഹെക്ടറിൽ നിന്നും ലഭിക്കും.

വൃക്ഷവിളകൾ 

അതിർത്തികളിലും, വരന്പുകളിലും വേലിയായി വളർത്താൻ യോജിച്ചതും കറവമാടുകൾക്ക് പരുഷാഹാരമായി ഉൾപ്പെടുത്താവുന്നതുമായ പ്രധാന വൃക്ഷവിളകൾ താഴെപ്പറയുന്നു.

1. പീലിവാക (സുബാബുൾ)

അതിർവരന്പുകളിൽ വേലിയായി കൃഷി ചെയ്യുന്പോൾ 55 സെന്‍റീമീറ്റർ അകലത്തിൽ നടാവുന്നതാണ്. നല്ല വളർച്ചയുണ്ടെങ്കിൽ, ആറു മാസം കഴിഞ്ഞാൽ ഇലകളും, ഇളം തണ്ടുകളും അരിഞ്ഞെടുക്കാം. പിന്നീട് 45 ദിവസം ഇടവിട്ടും വിളവെടുക്കാം. നല്ല ജലസേചനമുണ്ടെങ്കിൽ ഏകദേശം 30 ടണ്‍ വരെ വിളവ് ഒരു ഹെക്ടറിൽ നിന്നും ലഭിക്കും. പീലിവാകയിൽ 18 ശതമാനം മാംസ്യവും, രണ്ടുശതമാനം കാൽസ്യവും അടങ്ങിയിട്ടുണ്ട് ഈ ചെടിയുടെ ഇലയിലും കായയിലും അടങ്ങിയിട്ടുള്ള മൈമോസിൻ എന്ന വിഷാംശം, രോമം കൊഴിച്ചിൽ പോലുള്ള അസുഖങ്ങൾ ഉണ്ടാക്കും. അതിനാൽ പശുക്കൾക്കു കൊടുക്കേണ്ട മൊത്തം പരുഷാഹാരത്തിന്‍റെ പകുതിയിൽ കുറഞ്ഞ അളവു മാത്രമേ സുബാബുൾ ഇലകൾ ചേർക്കാവു എന്നത് പ്രത്യേകം ശ്രദ്ധിക്കേണ്ടതാണ്.

2. ശീമക്കൊന്ന

പ്രധാനമായും പച്ചിലവളമായാണ് കർഷകർ ഇത് ഉപയോഗിക്കുന്നത്. ഇതിൽ 23 ശതമാനം മൊത്ത പചനീയ മാംസ്യവും മൂന്നു ശതമാനം കാൽസ്യവും അടങ്ങിയിരിക്കുന്നു. ശീമക്കൊന്നയുടെ ഇലകൾക്ക് ഒരു മട്ട് ചുവ ഉള്ളതിനാൽ ചില പശുക്കൾ ഇവ തിന്നാൻ മടിക്കുന്നു. അങ്ങനെയുള്ള പശുക്കൾക്ക്, നല്ല വിശന്നിരിക്കുന്ന സമയത്ത് പ്രഭാതത്തിലെ ആദ്യ തീറ്റയായി പച്ചപ്പുല്ല് പോലുള്ള മറ്റു സ്വാദിഷ്ടമായ തീറ്റവസ്തുക്കളുടെ കൂടെ കൊടുക്കുകയാണെങ്കിൽ ശീമക്കൊന്നയും കഴിച്ചുകൊള്ളും

3. അഗത്തി

പയർവർഗത്തിൽപ്പെട്ട അഗത്തിയുടെ ഇലയിൽ 22 ശതമാനം മൊത്ത പചനീയമാംസ്യവും, മൂന്നു ശതമാനം കാത്സ്യവും അടങ്ങിയിരിക്കുന്നു.

ഹൈഡ്രോപോണിക്സ്- മണ്ണില്ലാ പുൽകൃഷി

പച്ചപ്പുൽകൃഷി നടത്താൻ വേണ്ടി സ്ഥലം ഒട്ടും തന്നെ ഇല്ലാത്ത സംസ്ഥാനമായ കേരളത്തെ സംബന്ധിച്ചിടത്തോളം വളരെ പ്രസക്തമായ ഒരു നൂതന സാങ്കേതിക വിദ്യയാണ് ഹൈ ഡ്രോപോണിക്സ്. കൃഷി ചെയ്യാൻ ഒട്ടും തന്നെ സ്ഥലം ആവശ്യമില്ലെന്നതാണ്, കൃഷിസ്ഥലം ഒട്ടും ലഭ്യമല്ലാത്ത നമ്മുടെ സംസ്ഥാനത്ത് ഹൈഡ്രോപോണിക്സിനുള്ള പ്രസക്തി. പോഷക ലായനിയിൽ അവയെ വളർത്തുന്ന സന്പ്രദായമാണ് ഹൈഡ്രോപോണിക്സ്. ചെടികളെ ഉറപ്പിച്ചു നിർത്തുന്നതിനായി ചകിരിച്ചോറ്, വെള്ളാരം കല്ലുകൾ തുടങ്ങിയ നിഷ്ക്രിയ പദാർഥങ്ങൾ ഉൾപ്പെടുത്താറുണ്ട്. പ്രത്യേകിച്ച് പോഷകഗുണമില്ലാത്ത ഇവയ്ക്ക് ചെടിയെ ഉറപ്പിക്കുക എന്ന ധർമ്മം മാത്രമേയുള്ളു.

വളർച്ചയുടെ വ്യത്യസ്ത ഘട്ടങ്ങളിൽ വ്യത്യസ്ത ഘടനയുള്ള പോഷകലായനികളാണ് ഉപയോഗിക്കുന്നത്. എന്നാൽ വ്യത്യസ്ത പുല്ലിനങ്ങൾക്കായി ഒരേ ലായനി മതിയാകും. ഇങ്ങനെ ഒരിക്കൽ കൃഷിക്കുപയോഗിച്ച പോഷകലായനി വീണ്ടും വീണ്ടും ഉപയോഗിക്കാമെന്നത് ഹൈഡ്രോപോണിക്സിന്‍റെ പ്രധാന മെച്ചമാണ്. പോഷക വസ്തുക്കളും ജലവും, അൽപം പോലും നഷ്ടമാകാതെയും പ്രകൃതിയെ മലിനമാക്കാതെയും കൃഷി നടത്താൻ ഇതു വഴി സാധിക്കുന്നു.

മണ്ണില്ലാ പുൽകൃഷിയുടെ മെച്ചങ്ങൾ 

1. പരിമിതമായ സ്ഥലത്തു നിന്ന് പരമാവധി ഉത്പാദനം സാധ്യമാക്കുന്നു.
2. വെള്ളവും, പോഷകങ്ങളും പാഴാക്കുന്നില്ല.
3. മണ്ണൊലിപ്പു മൂലമുള്ള പോഷക നഷ്ടം അഥവാ പരിസരമലിനീകരണം ഒഴിവാക്കുന്നു.

ശ്രദ്ധിക്കേണ്ട കാര്യങ്ങൾ

കേരളീയ സാഹചര്യത്തിൽ പരീക്ഷിച്ചു തുടങ്ങിയിട്ടു മാത്രമുള്ള ഒരു സങ്കേതിക വിദ്യയാണിത്. നിലവിലുള്ള സാഹചര്യത്തിൽ ഹൈഡ്രോപോണിക്സിന്‍റെ പ്രാരംഭ മുതൽ മുടക്ക് കൂടുതലാണ്. മുടക്കുമുതലിന് അനുസൃതമായ ആദായം കിട്ടുമോയെന്നും ഇതേ തുക മുടക്കി പരന്പരാഗത രീതിയിൽ പുല്ലുവളർത്തിയാൽ നേടുന്നതിനേക്കാൾ കൂടുതൽ വിളവു കിട്ടുമെന്നും ഉറപ്പു വരുത്തിയതിനുശേഷമേ കൂടുതൽപണം മുടക്കി ഹൈഡ്രോപോണിക്സിലേക്ക് ഇറങ്ങിത്തിരിക്കാവൂ എന്ന കാര്യം പ്രത്യേകം ശ്രദ്ധിക്കണം.
ഭാവിയിൽ ഹൈഡ്രോപോണിക്സ് സാങ്കേതിക വിദ്യ കൂടുതൽ ചെലവു കുറഞ്ഞതായി മാറുന്പോൾ വലിയ തോതിൽ ഹൈഡ്രോപോണിക്സിലേക്ക് ഇറങ്ങാവുന്നതാണ്. അങ്ങനെ വരുന്പോൾ കേരളത്തിലെ പശുക്കളുടെ വരും ദശകങ്ങളിലെ ഭക്ഷ്യസുരക്ഷയ്ക്ക് ഹൈഡ്രോപോണിക്സ് തീർച്ചയായും ഒരു മുതൽക്കൂട്ടാവും എന്ന കാര്യത്തിൽ സംശയമില്ല.

കാലം നോക്കി കൃഷി

ജൂണ്‍ മുതൽ ഒക്ടോബർ വരെയുള്ള സമയമാണ് തീറ്റപ്പുല്ല് നടുന്നതിന് അനുയോജ്യം. സൂര്യപ്രകാശം ലഭിക്കുന്ന പ്രദേശങ്ങളാണ് സങ്കര നേപ്പിയർ കൃഷി ചെയ്യുന്നതിന് തെരഞ്ഞെടുക്കേണ്ടത്. എക്കൽ മണ്ണ്, മണൽ കലർന്ന കളിമണ്ണ് എന്നിവയാണ് ഉത്തമമെങ്കിലും ജൈവവളപ്രയോഗം നടത്തിയാൽ മണൽ മണ്ണിലും വെട്ടുപ്രദേശങ്ങളിലും സങ്കരനേപ്പിയർ കൃഷി ചെയ്യാം. തരിശായി കിടക്കുന്ന കരപ്പാടങ്ങൾ തീറ്റപ്പുൽകൃഷിക്ക് യോജിച്ചതാണെങ്കിലും, മഴക്കാലത്ത് നീർവാർച്ച ഉറപ്പുവരുത്തിയില്ലെങ്കിൽ പുല്ലു ചീഞ്ഞു പോകും.

വാക്സിനേഷൻ കോഴികളിൽ


10 ദിവസത്തിനുള്ളിൽ വരാൻ സാധ്യതയുള്ള രോഗങ്ങൾ:-

1 ബ്രൂഡർ ന്യൂമോണിയ ലിറ്റർ നിന്നും പകരുന്ന രോഗം(തുരിശ് 100കോഴിക്ക് 1 ലിറ്റർ വെള്ളത്തിൽ കൂടി നൽകാം)

2 ബെൻഡ് ബ്ലോക്ക്(മലദ്വാരത്തിൽ കാഷ്ട്ടം ഒട്ടിപിടിച്ചിരിക്കൽ)

പ്രതിവിധി:-10 ദിവസം തിളപ്പിച്ച വെള്ളം തണുപ്പിച്ച് നൽകുക.3മത്തെ ദിവസം 5 ഗ്രാം ശർക്കര 100കോഴിക്ക് 1ലിറ്റർ വെള്ളത്തിൽ നൽകാം..

3. കോഴിവസന്ത..!

ഈ രോഗം കോഴികുഞ്ഞിങ്ങൾക്കും വലിയ കോഴികൾക്കും വരാൻ സാദ്യതയുണ്ട്..!പ്രതിവിധി:-5,6,7ദിവങ്ങളിൽ വസന്തകുള്ള ഒന്നാമത്തെ വാക്സിൻ ലാസോട്ട(RDF1) കണ്ണിലും,മുക്കിലും കൂടുതൽ ഉണ്ടെങ്കിൽ കുടിവെള്ളത്തിലൂടെയും നൽകാം..45 ദിവസം (R2B/RDK)0.5mlചിറകിനടിയിൽ കുത്തിവെപ്പ്..

കോഴിവസന്തയുടെ ലക്ഷണങ്ങൾ:-പൂവും ആടയും വിളറിയിരിക്കും,കാഷ്ടം പച്ചനിറത്തിൽ പോകും,ചിറക് താഴ്ത്തി കുമ്പിട്ടിരിക്കും,വായിൽ നിന്നും പതവരാൻ സാധ്യത,വെള്ളവും ആഹാരവും കഴിക്കില്ല…feb,മാർച്ച്,ഏപ്രിൽ മുതലായ ചൂട് മാസങ്ങളിലാണ് കൂടുതൽ കാണുന്നത്..

4.IBD(ബർസൽരോഗം,ഗപ്പരോ)

ലക്ഷണം:-കോഴിവസന്ത പോലെ പകർച്ച രോഗമാണ്.5മുതൽ12 ആഴ്ചവരെ ഉള്ള കോഴിക്ക് വരാം…കാൽ തളർച്ച,തല വിറയൽ,കഴുത്തിലെ തൂവൽ വിടർന്നു നില്കും,കാഷ്ട്ടം ഇളകിയോ പച്ച നിറത്തിലോ പോകും ആഹാരം കഴിക്കില്ല..

വാക്സിൻ:-14,15,16 ദിവസത്തിൽ IBDക്കുള്ള വാക്സിൻ നൽകാം 500കോഴിക്ക് 5ലിറ്റർ വെള്ളത്തിൽ 5gm പാൽപ്പൊടിയിൽ ചേർത്ത് വാക്സിൻ നൽകാം..50എണ്ണമാണ് ഉള്ളതെങ്കിൽ കണ്ണിലോ,മൂക്കിലോ നൽകാം…

5.ശ്വാസകോശ രോഗംCRD

)ആയുർവേദ മരുന്ന്:-തുളസീ,ഇഞ്ചി,കുരുമുളക്,ഏലക്ക,ആടലോടകം ചതച്ച് 5 തുള്ളിവെച്ച് നൽകാം..

6.കോഴി വസൂരി

പൂവിലും,അടയിലും കുരു ഉണ്ടാകും ചൂട് കാലങ്ങളിൽ..അങ്ങനെ ഉണ്ടായാൽ വേപ്പില,മഞ്ഞൾ അരച്ച് ഇട്ട് കൊടുകാം..കണ്ണിലാണെങ്കിൽ തുളസീ ചാർ പിഴിഞ്ഞ് വിത്തുക..

7.രക്‌തിസാരം(വയർകടി)

മഞ്ഞൾ,വെളുത്തുള്ളി,കറിവേപ്പില അരച്ച് കൊടുകാം..

8.കാൽ തളർച്ച

ന്യൂറോബയോൺ ഗുളിക ഒരു കോഴിക്ക് 1 ഗുളിക നൽകാം

പശു പരിപാലനം, ചില ചിന്തകൾ

പശു പരിപാലനം, ചില ചിന്തകൾ
CONTENTS

  

1.  പശു പരിപാലനം, ചില ചിന്തകൾ

2. പശുവളർത്തലിലെ പൊടിക്കൈകൾ

3. അകിട് വീക്കം

4. പശു വളര്ത്തലിലെ കാണാകുരുക്കുകള്
പശു പരിപാലനം, ചില ചിന്തകൾ:
പാലുത്പാദനത്തിൽ ഭാരതമിന്ന് ലോകത്തിലേറ്റവും മുൻപന്തിയിലെത്തിക്കഴിഞ്ഞിരിക്കുന്നു. ഭാരത സംസ്കാരത്തിലടിയുറച്ചു നിന്ന ചെറുകിട കർഷകരുടെ ആത്മാർത്ഥമായ പരിശ്രമം ആണ് നമുക്കീ നേട്ടം സ്വന്തമാക്കാൻ സഹായകമായത്. പുതുതായി ഈ രംഗത്തേക്ക് കടന്നു വരുന്നവർ ശ്രദ്ധിക്കേണ്ട ചില കാര്യങ്ങളെ കുറിച്ച് വിശദമാക്കാം.

പലർക്കും ഈ രംഗത്തേക്കു കടന്നു വരണമെന്നാഗ്രഹമുണ്ടെങ്കിലും പരിചയക്കുറവും, ആശങ്കയും മൂലം മടിച്ചു നിൽക്കാറുണ്ട്. ഈ രംഗത്തേക്കു കടന്നു വരുന്നതിനു മുമ്പ്,പശു പരിപാലനത്തെക്കുറിച്ചും, പൊതുവിതരണത്തെക്കുറിച്ചും നല്ല അവഗാഹമുണ്ടായിരിക്കേണ്ടത് അത്യാവശ്യമാണ്. പരമ്പരാഗതമായി പശുവളർത്തലിൽ ഏർപ്പെട്ടു പ്രവർത്തിക്കുന്ന കർഷകർക്ക് നല്ല അറിവുകളുണ്ടാകും. അവരുമായി ബന്ധപ്പെട്ട് നടത്തുന്ന ചർച്ചകളിലൂടെ വളരെ നല്ല അറിവുകൾ സ്വായത്തമാക്കാൻ സാധിക്കുകയും, ക്ഷീര വികസന സമിതിയും, ഗവണ്മെന്റും കാലാകാലം നടത്തി വരുന്ന ക്ലാസുകളിൽ പങ്കെടുക്കുക വഴിയും പുത്തനറിവുകളും, നൂതന മാർഗ്ഗങ്ങളും അതാത് കാലത്ത് തന്നെ നമ്മുടെ തൊഴുത്തിലെത്തിക്കുവാൻ സാധിക്കും.

പശുക്കൾക്കാവശ്യമായ തൊഴുത്തിനു സമീപമായി യഥേഷ്ടം വിഹരിച്ചു നടന്നു പുല്ലു മേയാനുള്ള സ്ഥലമുണ്ടെങ്കിൽ വളരെ നല്ലതാണു. പുൽകൃഷിക്ക് അനുയോജ്യമായ സ്ഥലം അടുത്ത് തന്നെ കണ്ടെത്തുകയും, അവിടെ ഗുണമേന്മയുള്ള പുല്ലിനങ്ങൾ വെച്ചു പിടിപ്പിക്കുകയും വേണം. കാർഷിക സർവകലാശാല വികസിപ്പിച്ചെടുത്ത വിവിധയിനം പുല്ലുകളിന്നു ലഭ്യമാണു. നാല്പത്തിയഞ്ചു ദിവസം പ്രായമായ പുല്ല് കാലികൾക്കു തീറ്റയ്ക്കായി വെട്ടിയെടുക്കാവുന്നതാണ്. കിളികുലം, സീ ഓ ത്രീ ഇനങ്ങളിൽ പെട്ട പുല്ലിനങ്ങൾ വളരെ പെട്ടെന്ന് വളർച്ചയെത്തുന്നു.

നാടൻ പശുക്കൾ പലയിനങ്ങൾ ഉണ്ട്. നല്ല പശുക്കളെ തിരഞ്ഞെടുക്കാൻ ഒരു വിദഗ്ദനു മാത്രമേ കഴിയൂ. പശുക്കളെ തിരഞ്ഞെടുക്കുന്നതിനായി ഒരു മൃഗഡോക്ടറുടെ സഹായം തേടാവുന്നതാണു. കൂടാതെ ഈ മേഖലയിൽ കഴിവു തെളിയിച്ചിട്ടുള്ള ക്ഷീര കർഷകരുടെ അഭിപ്രായങ്ങളും തേടാവുന്നതാണ്.  വിദേശയിനം പശുക്കളെ തിരഞ്ഞെടുക്കുമ്പോൽ വളരെയധികം ശ്രദ്ധിക്കണം. നമ്മുടെ ഫാമിനടുത്ത് തന്നെ ഒരു മൃഗാശുപത്രിയുണ്ടെങ്കിൽ വളരെ നന്നായിരിക്കും. ഒരു നല്ല ഡോക്ടറുടെ സേവനം കന്നുകാലികൾക്ക് വളരെ അത്യാവശ്യമാണ്.

നല്ല ഉണങ്ങിയതും(ഈർപ്പം കെട്ടി നില്ക്കാത്തതുമായ), ഭൂനിരപ്പിൽ നിന്നും ഉയർത്തിക്കെട്ടിയതുമായ സ്ഥലത്ത് വേണം തൊഴുത്ത് നിർമിക്കുവാൻ. വെള്ളം കെട്ടി നിൽക്കത്തക്ക രീതിയിൽ നിർമ്മാണം പാടില്ല. ഒരു ചെറിയ ചെരിവ് നിർമ്മാണത്തിൽ അനുവർത്തിക്കുന്നതും, വെള്ളം സുഗമമായി തൊഴുത്തിൽ നിന്നൊഴുകി പോകുന്നതിനായി നല്ലൊരു ഓവുചാലും തയ്യാറാക്കേണ്ടതാണ്. തൊഴുത്തിന്റെ ഭിത്തിക്ക് ഒന്നര മുതൽ രണ്ട് മീറ്റർ വരെ ഉയരമുണ്ടാകണം. നല്ല ഉറച്ചതും, തെന്നാത്തതുമായ തറയാവണം ഇടേണ്ടത്. ഗ്രിപ്പിനായി പിന്നീട് റബ്ബർമാറ്റും ഉപയോഗിക്കാവുന്നതാണ്. മേൽക്കൂര പണിയുമ്പോൾ മൂന്നു മുതൽ നാലു മീറ്റർ വരെ ഉയരത്തിൽ കെട്ടിയതാവണം. എത്രത്തോളം വായുസഞ്ചാരം തൊഴുത്തിനുള്ളിൽ ലഭിക്കുന്നുവോ അത്രയും കന്നുകാലികൾക്കു നല്ലതാണു. അതിനാൽ വായുസഞ്ചാരം ഉറപ്പാക്കുന്ന രീതിയിലാവണം മൊത്തത്തിലുള്ള തൊഴുത്തിന്റെ നിർമാണം.

ഒരു മീറ്ററിനു മൂന്നു സെന്റിമീറ്റർ എന്ന അളവിൽ തറകൾക്ക് ചെരിവ് അനുവർത്തിക്കുന്നത് വളരെ നല്ലതാണ്. കൂടാതെ ഒരു പശുവിനു 2×1.05 മീറ്റർ എന്ന കണക്കിൽ സ്ഥലം ലഭ്യമാകത്തക്ക രീതിയിൽ വേണം തൊഴുത്തു നിർമ്മാണം. പശുക്കളുടേ പിൻ കാലുകൾ നിൽക്കുന്ന സ്ഥലത്തിനു പിറകിലായി ഓവുചാൽ നിർമ്മിക്കുകയും, മൂലകൾ ഷാർപ്പാകാതെ മിനുസപ്പെടുത്തിയിടുകയും വഴി, തൊഴുത്തിനുള്ളിലെ ശുചിത്വം നിലനിർത്താം. പ്രാദേശികമായി ലഭിക്കുന്ന വസ്തുക്കൾ കൊണ്ടും, ബോഗൻ വില്ല പോലെ പടർന്നു കയറുന്ന ചെടികൾ വളർത്തിയും ആവശ്യത്തിനുള്ള തണലുറപ്പാക്കേണ്ടതുണ്ട്. കൂടാതെ വേനൽക്കാലത്ത് ആവശ്യത്തിനുള്ള ശുദ്ധജലം ഏതു സമയത്തും ഫാമിൽ ഉറപ്പാക്കേണ്ടതാണ്.

വൃത്തിയുടെ കാര്യത്തിലൊരു വിട്ടുവീഴ്ചയും കാലിവളർത്തലിൽ പാടില്ല. പുറത്തു നിന്നൊരാൾ തൊഴുത്തിൽ കയറുമ്പോൾ ഡറ്റോൾ നേർപ്പിച്ച വെള്ളത്തിൽ കൈകാലുകൾ കഴുകുന്നത് നിർബന്ധമാക്കണം. ശുചിത്വം നിലനിർത്താനായി എല്ലാ ദിവസവും തൊഴുത്തു കഴുകി വൃത്തിയാക്കേണ്ടതുണ്ട്. കാലികൾക്കു കിടക്കാനുള്ള സൗകര്യം തയാറാക്കികൊടുക്കുന്ന കാര്യത്തിലും ശ്രദ്ധ പുലർത്തണം. പാൽപാത്രങ്ങൾ, മിൽക്ക് മഷീൻ, തുടങ്ങി എല്ലാ വസ്തുക്കളും ദിനേന വൃത്തിയാക്കി വെക്കണം.

തൊഴുത്തിൽ നിന്നും ചാലിലൂടെ ഒഴുകിവരുന്ന മൂത്രവും, ചാണകവെള്ളവും പ്രധാന പിറ്റിൽ ശേഖരിക്കുകയും, അതൊരു നിശ്ചിത കാലയളവിൽ എല്ലാ ദിവസവും മറ്റു കൃഷി സ്ഥലങ്ങളിലേക്കോ, പുൽകൃഷി ചെയ്യുന്നയിടങ്ങളിലേക്കോ ഒഴുക്കി വിടാവുന്നതാണ്. ഇത്തരത്തിൽ ഒഴുക്കി വിടുന്നത് മൂലം ഏതെങ്കിലും വിധത്തിലുള്ള കീടങ്ങൾ പെരുകുന്നതൊഴിവാക്കാം. ഒരു ബയോഗ്യാസ് പ്ലാന്റ്, കമ്പോസ്റ്റ് പ്ലാന്റും, അനുബന്ധമായി ഉണ്ടായാൽ മാലിന്യ പ്രശ്നം ഒരു രീതിയിലും ഫാമിനെ ബാധിക്കുകയില്ല.

ഇത്തരത്തിലുള്ള ചെറിയ കാര്യങ്ങളിൽ ശ്രദ്ധവെക്കുകയും, കുളമ്പു രോഗങ്ങൾ, അകിടുവീക്കം തുടങ്ങി കന്നുകാലികൾക്കു വരാറുള്ള അസുഖങ്ങൾക്ക് ഫലപ്രദമായ ചികിത്സ ലഭ്യമാക്കുകയും ചെയ്താൽ കാലിവളർത്തൽ വളരെ ആദായകരമാക്കുവന്നതാണ്.
പശുവളർത്തലിലെ പൊടിക്കൈകൾ.
അകിടിലെ നീരു മാറുവാനായി കുറച്ച് നിർദ്ദേശങ്ങൾ.

അകിടിൽ വെളിച്ചെണ്ണാ പുരട്ടിയ ശേഷം അകിടിൽ വെള്ളം അടിക്കുക.

ഞെരിഞ്ഞിൽ ഇടിച്ചു പൊടിച്ച് വെള്ളത്തിൽ ഇട്ടു തിളപ്പിച്ച് അരിച്ചു കൊടുക്കുക.

അകിടിൽ കട്ട തൈരു പുരട്ടുക.

ചതകുപ്പ അരിക്കാടിയിൽ അരച്ച് നീരുള്ള ഭാഗത്ത് പുരട്ടുക.
ദഹനക്കേടിനു വേണ്ടിയുള്ള പ്രയോഗങ്ങൾ..

അയമോദകം വറുത്ത് പൊടിച്ച് ശർക്കര ചേർത്ത് കൊടുക്കുക.

ഇഞ്ചി, വെറ്റില, ചുവന്നുള്ളി, കുരുമുളക് എന്നിവ അരച്ച് ശർക്കര കൂട്ടി അപ്പക്കാരം ചേർത്ത് കൊടുക്കുക.

കുറച്ച് വെള്ളത്തിൽ യൂക്കാലി ചേർത്ത് കൊടുക്കുക.
പുളിയില അരച്ച് തൈരിൽ ചേർത്ത് അകിടിൽ പുരട്ടുക, നിലനാരകം മഞ്ഞൾ കൂട്ടി അരച്ചിടുക, പഴുതാരകൊല്ലി ഉപ്പ് ചേർത്ത് അരച്ചിടുക ഇവയൊക്കെ അകിടുവീക്കത്തിനുള്ള നാടൻ പ്രയോഗങ്ങളാണു.
ഗർഭിണിയാവാൻ പ്രയാസം ഉള്ള കിടാരികൾക്ക് ശുദ്ധി ചെയ്ത വേപ്പെണ്ണ കൊടുത്താൽ ഗർഭസാധ്യത കൂടും. രോമമൊക്കെ ചുരുണ്ട് പള്ള വീർക്കൽ ഉള്ള കിടാവുകൾക്ക് ഈ പ്രയോഗം ആരോഗ്യം കൊടുക്കും.
പശുക്കളിലെ മുറിവ് പഴുത്ത് അതിൽ പുഴുവെക്കാൻ തുടങ്ങിയാൽ അതിനെ വേഗം പുറത്തെടുക്കുവാനായി അല്പം പാറ്റ കായ പൊടിച്ച് മുറിവിലിട്ടാൽ മതിയാകും. കൂടാതെ കുളമാവിൻ പശ എടുത്തെ പുഴു പിടിച്ച മുറിവിലിട്ടാലും പുഴു പുറത്ത് പോകും.
എരുക്കില നീരു സമം ആവണക്കെണ്ണ ചേർത്ത് അല്പം ഇന്തുപ്പ് കൂട്ടി നൽകിയാൽ വയർ വീർക്കൽ, മലബന്ധം ഇവ മാറും.
ആറ്റു തകര കാടി വെള്ളത്തിൽ അരച്ച് പുരട്ടിയാൽ പശുവിന്റെ ദേഹത്തെ പുഴുക്കടി മാറികിട്ടും.
ഏഴു ദിവസം അടുപ്പിച്ച് പാളയംതോടൻ പഴം പത്തെണ്ണം വീതം കൊടുക്കുക. കോഴിമുട്ടയും എണ്ണയും ചേർത്ത് പശുവിനു നൽകുക, ഇതൊക്കെ പാൽ വർദ്ധിപ്പിക്കാനുള്ള പഴമക്കാരുടെ നാട്ടറിവ്.
അകിട് വീക്കം:
കറവപ്പശുക്കളില്‍ ഉണ്ടാകാറുള്ള ഒരു രോഗം. എല്ലാ രാജ്യങ്ങളിലുമുള്ള പശുക്കള്‍ക്ക് ഈ രോഗം ബാധിക്കാറുണ്ട്. ചെമ്മരിയാടുകളിലും കോലാടുകളിലും ഈ രോഗം ഉണ്ടാകാം. കൂടുതല്‍ കറവയുള്ള പശുക്കളിലാണ് ഈ രോഗം അധികമായി കണ്ടുവരുന്നത്. 

ഒന്നോ അതിലധികമോ തരം രോഗാണുക്കളുടെ ആക്രമണം മൂലം രോഗമുണ്ടാകുന്നു. രോഗബാധയ്ക്കു കാരണമാകുന്ന പ്രധാനപ്പെട്ട രോഗാണുക്കള്‍ ഇവയാണ്. (i) സ്ട്രെപ്റ്റോകോക്കസ് അഗലാക്ടിയേ (Streptococcus agalactiae), (ii) സ്ട്രെപ്റ്റോകോക്കസ് ഡിസ്അഗലാക്ടിയേ (S.disagalatiae), (iii) സ്ട്രെപ്റ്റോകോക്കസ് യൂബെറിസ് (S.ubeiris), (iv) സ്ട്രെപ്റ്റോകോക്കസ് പയോജനിസ് (S.pyogenes),

V) സ്ഫൈലോകോക്സൈ (Sphylococci), (VI) മൈക്രോബാക്റ്റീരിയം ടൂബര്‍ക്കുലോസിസ് (Microbacterium tuberculosis), (VII) ഫ്യൂസിഫോര്‍മിസ് നെക്രോഫോറസ് (Fusiformes necrophorus).

ഇവയില്‍ സ്ട്രെപ്റ്റോകോക്കസ് അഗലാക്ടിയേ എന്ന രോഗാണുവാണ് 80 ശ.മാ.-ത്തിലധികം രോഗബാധയ്ക്കും കാരണം. രോഗത്തെ തീവ്രതയനുസരിച്ച് ഉഗ്രം (acute), മിതോഗ്രം (Suvacute), മന്ദം (chronic) എന്നിങ്ങനെ മൂന്നായി തരംതിരിച്ചിട്ടുണ്ട്.

രോഗബാധിതമായ അകിട്അകിടിലും മുലക്കാമ്പുകളിലുമുണ്ടായേക്കാവു ന്ന മുറിവുകളിലൂടെയാണ് രോഗാണുക്കള്‍ ഉള്ളിലേക്കു കടക്കുന്നത്. അകിടില്‍ നീരുവന്നു വീര്‍ക്കുകയാണ് ആദ്യലക്ഷണം. ക്രമേണ അകിടിലെ സംയോജകപേശികള്‍ വര്‍ധിച്ച് അകിടു കല്ലിച്ചുപോകുന്നു. ഇത്തരം അകിടുവീക്കത്തിനു ചിലദിക്കുകളില്‍ ‘കല്ലകിട്’ എന്നു പറയാറുണ്ട്. പാലില്‍ ആദ്യമായിക്കാണുന്ന മാറ്റം (സൂക്ഷിച്ചുനോക്കിയാല്‍ പോലും വളരെ വിഷമിച്ചു മാത്രമേ മനസിലാക്കാന്‍ കഴിയൂ) കുറച്ചു പാടത്തരികളുടെ ആവിര്‍ഭാവമാണ്. ക്രമേണ പാല് മഞ്ഞനിറമാകുകയും മഞ്ഞവെള്ളവും പിരിഞ്ഞ പീരയുമായി മാറുകയും ചെയ്യും. ചിലപ്പോള്‍ ചോരയും കണ്ടേക്കാം.

സ്ഫൈലോകോക്സൈ രോഗാണുക്കള്‍ 5 ശ.മാ.-ത്തോളം അകിടുവീക്കങ്ങള്‍ക്കു കാരണമാകുന്നു. അകിട് ആദ്യഘട്ടത്തില്‍ ചുവന്നു ചൂടുള്ളതായിരിക്കും; പാല് ആദ്യം വെള്ളം പോലെയും രക്തം കലര്‍ന്നതും ദുര്‍ഗന്ധമുള്ളതും ആയിരിക്കും. ഒന്നു രണ്ടു ദിവസങ്ങള്‍ക്കകം അകിട് പഴുക്കുകയും പാലിനു പകരം ചലം വരികയും ചെയ്യും.

രോഗത്തിന്റെ ബാഹ്യസ്വഭാവവും രോഗകാരണങ്ങളായ അണുപ്രാണികളും വ്യത്യസ്തങ്ങളാകാമെങ്കിലും അകിട് വീങ്ങുകയും പാലില്‍ മാറ്റങ്ങളുണ്ടാവുകയുമാണ് അകിടുവീക്കത്തിന്റെ അടിസ്ഥാന ലക്ഷണങ്ങള്‍.

അകിടു വൃത്തിയായി സൂക്ഷിക്കുക, അകിടില്‍ മുറിവും പോറലും വരാതെ നോക്കുക, തൊഴുത്തും പരിസരങ്ങളും ശുചിയായി വയ്ക്കുക എന്നിവ രോഗപ്പകര്‍ച്ചയ്ക്കുള്ള സാധ്യതകളെ കുറയ്ക്കും. കറവക്കാരുടെ കൈകള്‍ കറവയ്ക്കുമുമ്പും പിമ്പും രോഗാണുനാശിനികളെക്കൊണ്ടു കഴുകുന്നതിലും കറവ കഴിഞ്ഞാല്‍ അകിടു കഴുകി വൃത്തിയായി സൂക്ഷിക്കുന്നതിലും ശ്രദ്ധിക്കണം.

അകിടുവീക്കം നിയന്ത്രിക്കുന്നതിന് മേല്‍പറഞ്ഞ ശുചിത്വം ഒരു പ്രധാന ഘടകമാണ്.

രോഗമുള്ള പശുക്കളെ പ്രത്യേകം മാറ്റി നിര്‍ത്തി കറക്കുകയോ അവസാനം കറക്കുകയോ ചെയ്യുന്നതാണ് നല്ലത്. അല്ലെങ്കില്‍ മറ്റു പശുക്കള്‍ക്ക് രോഗം പകരാനുള്ള സാധ്യത കൂടുതലാണ്. അകിടിലെ പാല്‍ മുഴുവനും കറക്കാതെ കെട്ടി നില്‍ക്കുകയാണെങ്കില്‍ അകിടുവീക്കം ഉണ്ടാകാനുള്ള സാധ്യതയുണ്ട്. കറവ വറ്റുന്ന സമയത്ത് പ്രത്യേകമായി നിര്‍മിച്ചിട്ടുള്ള മരുന്നുകള്‍ കാമ്പിനുള്ളില്‍ ഉപയോഗിക്കുന്നതുവഴി അകിടുവീക്കം ഒരു പരിധിവരെ നിയന്ത്രിക്കാന്‍ കഴിയും.

മിക്ക പശുക്കളിലും പ്രസവത്തോടനുബന്ധിച്ചോ അതിന് ഒരാഴ്ച മുമ്പോ പിമ്പോ ആണ് അകിടുവീക്കം കൂടുതലായി കാണുന്നത്. ഈ സമയത്ത് തൊഴുത്തും പരിസരവും വളരെ വൃത്തിയായി സൂക്ഷിക്കേണ്ടതുണ്ട്. വിസര്‍ജ്ജ്യങ്ങള്‍ യഥാസമയം മാറ്റാതെ വരുമ്പോള്‍ അതിനു പുറത്ത് പശു കിടക്കാനിടയാകുകയും മുലക്കാമ്പുകള്‍ വഴി രോഗാണുക്കള്‍ കടന്ന് രോഗമുണ്ടാകുകയും ചെയ്യും. എ,ഇ എന്നീ ജീവകങ്ങള്‍, മറ്റു ധാതുലവണങ്ങള്‍ എന്നിവ നല്‍കുന്നത് രോഗസാധ്യത കുറയ്ക്കുന്നതായി പഠനങ്ങള്‍ തെളിയിച്ചിട്ടുണ്ട്.

രോഗമുണ്ടെന്നു സംശയം തോന്നുന്ന പശുക്കളെ ഉടന്‍തന്നെ വിദഗ്ധമായ ചികിത്സയ്ക്കു വിധേയമാക്കണം. പെനിസിലിന്‍, സ്ട്രെപ്റ്റോമൈസിന്‍, ആറിയോമൈസിന്‍, ജെന്റാമൈസിന്‍, ക്ളോറാംഫിനിക്കോള്‍, എന്റോഫ്ളോക്സാഡിന്‍, അമോക്സിസില്ലിന്‍, ക്ളോക്സാസില്ലിന്‍ മുതലായ ആന്റിബയോട്ടിക്കുകളും സല്‍ഫാ മരുന്നുകളും ഫലപ്രദമായ പ്രതിവിധികളാണ്.

പാലിലെ പാടത്തരികള്‍ ആദ്യമേ കണ്ടെത്തുവാന്‍ സഹായിക്കുന്ന സ്ട്രിപ്പ്കപ്പ് (Strip cup), പ്രത്യേക ഡൈ(Dye)കളില്‍ പാല്‍ ഉണ്ടാക്കുന്ന വര്‍ണവ്യത്യാസങ്ങളില്‍ നിന്നും രോഗബാധ നിര്‍ണയിക്കുവാന്‍ സഹായിക്കുന്ന ‘മാസ്റ്റൈറ്റിസ് കാര്‍ഡുകള്‍’ എന്നിവ പൊതുവായ രോഗനിര്‍ണയത്തിനുള്ള ഉപാധികളാണ്. സൂക്ഷ്മദര്‍ശനികൊണ്ടുള്ള പരിശോധനയില്‍ മാത്രമേ രോഗകാരികളായ അണുപ്രാണികളെ മനസിലാക്കാന്‍ സാധിക്കുകയുള്ളു.

കാലിഫോര്‍ണിയന്‍ മാസ്റ്റൈറ്റിസ് ടെസ്റ്റ് എന്ന ടെസ്റ്റ് വഴി ഒരു പ്രത്യേക ലായിനി ഉപയോഗിച്ച് പാല്‍ പരിശോധിക്കുന്നത് അകിടുവീക്കം തുടക്കത്തിലേ തന്നെ മനസ്സിലാക്കാന്‍ സഹായിക്കും. ഇത് കര്‍ഷകര്‍ക്ക് സ്വന്തമായി വീടുകളില്‍ ചെയ്യാന്‍ കഴിയുന്ന ഒരു പരിശോധനാരീതിയാണ്. തുടക്കത്തിലേ രോഗബാധ ഉണ്ടെന്ന് കണ്ടെത്താന്‍ കഴിഞ്ഞാല്‍ ചികിത്സാപ്രയോഗങ്ങള്‍ വിജയകരമായിത്തീരുകയും അസുഖം മൂലമുണ്ടാകുന്ന നഷ്ടം കുറയ്ക്കുവാന്‍ കഴിയുകയും ചെയ്യും. യഥാര്‍ഥ അണുപ്രാണികളെ മനസ്സിലാക്കാന്‍ കഴിഞ്ഞാല്‍ അതിനെതിരെയുള്ള കൃത്യമായ മരുന്നുപയോഗിച്ച് ചികിത്സ വളരെ ഫലപ്രദമാക്കിത്തീര്‍ക്കാന്‍ സാധിക്കും

പൊടിക്കൈ  : കറവയ്ക്ക് ശേഷം ടിഞ്ചര്‍അയഡിന്‍ ലായനിയില്‍ കാമ്പ് മുക്കുന്നതിലൂടെയും രോഗം വരാതെ സൂക്ഷിക്കാം.

പശു വളര്ത്തലിലെ കാണാകുരുക്കുകള്:

ഡയറി ബിസിനസ് എന്നാല് ഏതാനും പശുക്കളെ വാങ്ങിക്കൊണ്ടുവന്ന് പാല് കറന്ന് വിറ്റ് പണം ഉണ്ടാക്കാന് കഴിയുന്ന ഒരു കച്ചവടസ്ഥാപനമാണെന്നാണ് പലരും ധരിച്ചു വച്ചിരിക്കുന്നത്. എന്നാല് ഈ ബിസിനസ്സ് ഒരു കച്ചവടം എന്നതില് ഏറെ മാനസികോല്ലാസം തരുന്ന നിത്യജീവിതത്തിലെ സങ്കീര്ണ്ണതകളെ മറന്ന് ജീവിക്കാന് മനക്കരുത്ത് നേടിത്തരുന്ന നിത്യവൃത്തിയായി കാണാന് നാം ഇനിയും തയ്യാറോകേണ്ടതുണ്ട്.

വര്ഷങ്ങള്ക്കു മുന്പ് വടക്കന് ഗുജറാത്തിലെ ഒരു ഗ്രാമത്തില് എരുമയെ ചികിത്സിക്കാന് പോയപ്പോള് ഉണ്ടായ സംഭവം ഇന്നും ഓര്ക്കുന്നു. വീട്ടില് അമ്മയും മകനും തമ്മില് വഴക്ക്. വഴക്കിനു കാരണം മരുമകള് തന്നെ. എരുമയെ ചികിത്സിക്കാന് വീട്ടിലെത്തിയ ഞാന് കാണുന്നത് ഒരു ചെറുപ്പക്കാരി രണ്ടുബാഗുകള് കയ്യിലെടുത്ത് വീട്ടില് നിന്ന് ഇറങ്ങി അതിവേഗം പുറത്തേയ്ക്കിറങ്ങുന്നതാണ്. അവരുടെ പിറകേ ഒരു ചെറുപ്പക്കാരനും. ചെറുപ്പക്കാരന് എന്നെ കണ്ട് ഒന്ന് പരുങ്ങി നിന്നു. എരുമയുടെ അടുത്ത് എന്നോടൊപ്പം നിന്നിരുന്ന വീട്ടുകാരി ഇതുകണ്ട് ആ ചെറുപ്പക്കാരനോടു പറഞ്ഞു. നീ അവളുടെ കൂടെ പൊയ്ക്കോ. അമ്മയെക്കുറിച്ച് വേവലാധിപ്പെടേണ്ട. അമ്മ ഇനിയും ജീവിക്കും. രണ്ട് എരുമകളും നാല് ആടുകളും ഉണ്ടെങ്കില് നിന്റെ എന്നല്ല ആരുടേയും മുന്നില് അമ്മയുടെ നട്ടെല്ലു വളയില്ല. നിന്നെപ്പോലെ ഒരുത്തനെ പ്രസവിച്ചു വളര്ത്തി എന്ന തെറ്റേ ഞാന് ചെയ്തുള്ളൂ. ഭാര്യയ്ക്കോപ്പം തലതാഴ്ത്തി നടന്നുപോകുന്ന ആ മകനെ ഞാന് കണ്ടു. രണ്ടെരുമകളിലും നാലാടുകളിലും ഭാവിജീവിതം സുസ്ഥിരമാക്കാമെന്ന ആ വിധവയുടെ ആത്മ വിശ്വാസത്തിനു മുന്നില് ഞാനും തല കുനിച്ചു. ഇതേ വിശ്വാസം തന്നെയല്ലേ നമുക്കും ഭാവി തലമുറയ്ക്കും വേണ്ടത്.

ഡയറിബിസ്നസ്സില് നമുക്കു വേണ്ടത് കര്ഷനെ ഡയറിബ്രീഡിംഗ്, ഡയറി ഫ്രീഡിംഗ്, ഡയറി ആരോഗ്യപരിപാലനം, ഡയറി പാലുല്പാദനം, കറവ, ഇതുമായി ബന്ധപ്പെട്ട പരിപാലനം, അധികമുള്ള ഉരുക്കളുടെ വില്പ്പന എന്നിവയെക്കുറിച്ച് ബോധവാനാക്കുക എന്നതാണ്. ഓരോ സംരംഭകന്റേയും കൈവശമുള്ള ഭൂമി, ജലലഭ്യത, പുല്കൃഷി ചെയ്യാനുള്ള സംവിധാനം, പച്ചപുല്ല് ഉല്പാദിപ്പിക്കാനുള്ള സംവിധാനം, പാല് വില്പ്പനയ്ക്കുള്ള സൌകര്യം എന്നിവയെ അടിസ്ഥാനമാക്കി മേല്പറഞ്ഞ വിഷയങ്ങളില് വ്യത്യസ്ഥതകള് കൂടിയും കുറഞ്ഞും ഉണ്ടാകാന് സാധ്യതഉണ്ടെന്നോര്ക്കുക. ഇനി നമുക്ക് ഓരോന്നായി പരിശോധിക്കാം.

1.ഡയറി ബ്രീഡിംഗ്

ഡയറിഫാമില് നമുക്ക് ഏറ്റവും അനുയോജ്യം 50 മുതല് 62.5 ശതമാനം വിദേശജനുസ്സുകളുടെ ഗുണമുള്ളവ തന്നെയാണ്. ഒരു പശുവില്നിന്നും ദിനംപ്രതി ശരാശരി 12 ലിറ്ററോളം പാല് നമുക്ക് ലഭിച്ചിരിക്കണം. 300 ദിവസത്തെ കറവയില് ചിരുങ്ങിയപക്ഷം 1200 മുതല് 3000 ലിറ്റര് പാലെങ്കിലും നമുക്ക് ലഭിക്കണം. 75 ശതമാനത്തിലേറെ വിദേശജനുസ്സുകളുടെ രക്താനുപാതമുള്ളവ നമ്മുടെ കാലാവസ്ഥയില് പൂര്ണ്ണ ജനിതക മേന്മ അതായത്  സ്ഥിരമായ പാലുല്പാദനം, പ്രത്യുല്പാദനം എന്നിവ തുടര്ന്ന് പ്രാവര്ത്തികമാക്കാന് മടി കാണിക്കുന്നു. ഇക്കാരണത്താല് ഇത്തരം പശുക്കള് അതിവേഗം ഡയറിഫാമുകളില് നിന്നും പുറന്തള്ളപ്പെടുന്നു.

ഫാമുകളില് തന്നെ ജനിക്കുന്ന നല്ല കന്നുകുട്ടികളെ ഭാവി പശുക്കളായി വളര്ത്താന് നമുക്ക് കഴിയണം. കൂടുതല് പാല് തരുന്ന പശുക്കളുടെ ജനന സമയത്ത് 25 കിലോ തൂക്കം വരുന്ന കന്നുകുട്ടികളെ വേണം കിടാരികളായി വളര്ത്താന് തെരഞ്ഞെടുക്കേണ്ടത്. ഇത്തരം കന്നുകുട്ടികളുടെ തള്ളപ്പശുക്കള് പ്രസവശേഷം രണ്ടുമൂന്നുമാസങ്ങളില് ചെനയേല്ക്കുന്നവയും അസുഖങ്ങള് കുറഞ്ഞവയും സുഖപ്രസവം തരുന്നവയും ആയിരിക്കണം. പാലിന്റെ അളവു മാത്രമല്ല കന്നുകുട്ടി തെരഞ്ഞെടുപ്പിന് അടിസ്ഥാനം എന്ന് സാരം. ഇത്തരം കന്നുകുട്ടികളെ ശരിയായി വളര്ത്തുന്നപക്ഷം 15 മാസമാകുന്പോള് ചെന പിട്പ്പിക്കാവുന്നതാണ്. തന്മൂലം ഇത്തരം കിടാരികള് രണ്ടു വയസ്സില് നമുക്ക് പാലും കന്നുകുട്ടിയും തരുമെന്ന് മനസ്സിലാക്കുക. ഇത്തരം കന്നുകുട്ടികള് 12 മാസം പ്രായമാകുന്പോഴേക്കും ആദ്യമദി കാണിക്കുകയും തുടര്ന്ന് നല്ല തീറ്റ ലഭ്യമാക്കിയാല് 13-14 മാസങ്ങളില് തുടര്ച്ചയായി മദി കാണിക്കുകയും ചെയ്യും. ഇവയെ  പതിനഞ്ചാം മാസത്തില് ബീജാദാനത്തിന് തയ്യാറാക്കാം. ആദ്യബീജാദാന സമയത്ത് ഇവയ്ക്ക് തള്ളപശുവിന്റെ 60%  തൂക്കമുണ്ടായിരിക്കും.

നേരത്തേ സൂചിപ്പിച്ചതുപോലെ സുഖപ്രസവം നടക്കുന്ന പശുക്കളുടെ മാച്ച് പ്രസവശേഷം നാല്മുതല് ആറ്മണിക്കൂറിനുള്ളില് താനേ വീണുപോകുന്നു. ആറ്മണിക്കൂറിനുശേഷവും മാച്ച് വീണുപോകാത്ത പക്ഷം ഡോക്ടറുടെ വിദഗ്ദ സഹായം തേടണം. പ്രസവശേഷം ആരോഗ്യമുള്ള പശുക്കളുടെ ഗര്ഭാശയത്തില് നിന്നും 15 ദിവസത്തോളം രക്തം കലര്ന്ന അഴുക്കുകള് പോകാം. എന്നാല് 20 ദിവസങ്ങള്ക്കുശേഷവും അഴുക്കുകള് പോകുന്നുവെങ്കില് ഗര്ഭാശയത്തില് അണുബാധ സംശയിക്കാം. ഉടനടി വിദഗ്ദ സഹായം തേടിയില്ലായെങ്കില് അത് പാലുല്പാദനക്ഷമത, വീണ്ടും ചെനയേല്ക്കാനുള്ള സാധ്യത എന്നിവയ്ക്ക് കനത്ത പ്രഹരം ഏല്പ്പിക്കുന്നു. അകിടുവീക്കം വരാനുള്ള സാധ്യതയും ഇത്തരം പശുക്കളില് ഏറെയാണ്. ഇക്കാരണങ്ങളാല് പ്രസവശേഷം എത്ര ദിവസം വരെ അഴുക്കുപോകുന്നുവെന്നും അഴുക്കില് പഴുപ്പിന്റെ അംശമുണ്ടോ എന്നും ശ്രദ്ധിക്കേണ്ടതാണ്.

നാടന്‍ പാലും മറുനാടന്‍ പശുവും

നാടന്‍ പാലും മറുനാടന്‍ പശുവും കടലും കടലാടിയും പോലേ !
ഈ കാലത്ത് സംശയാതീതമായി തെളിയിക്കപെട്ടുകൊണ്ടേയിരിക്കുന്ന ചില ശാസ്ത്രീയ കണ്ടെത്തലുകള്‍ ഏ വണ്‍ പശുവിന്റെ പാല്‍ ഉപയോഗിക്കുന്നത് ആരോഗ്യത്തിന് ഹാനീകരമാകുമെന്നതിനെ കുറിച്ച് കൂടുതല്‍ വെളിപ്പെടുത്തലുകള്‍ നല്‍കികൊണ്ടിരിക്കുന്നു. എന്നാല്‍ ആഭിജ്യാത്യം പേറുന്ന ചുമലിലെ പൂഞ്ഞയെന്ന ഹമ്പും, കഴുത്തിന്നടിയിലെ താടയെന്ന ഫ്ലാപ്പും ഉള്ളതുമായ പ്രകടമായ വ്യത്യാസമുള്ള  നാടന്‍ പശുവിന്റെ പാലും മോരും തൈരും നെയ്യും മാത്രമല്ല ചാണകത്തിനും മൂത്രത്തിനും പ്രായോഗീകമായി തന്നെ ഒട്ടനവധി ഗുണങ്ങള്‍ ഉണ്ടെന്ന് നേരിട്ടനുഭവിച്ചു മനസ്സിലാക്കിയതിന്റെ ഭാഗമായി, ഒരു പാടാളുകള്‍, നഷ്ടപെട്ടുപോയ നാടന്‍ ജനുസ്സിലെ പശുക്കളെ കണ്ടെത്തി പുനരുജ്ജീവിപ്പിച്ചു വംശോദ്ദാരണം നടത്തി വന്‍ വിലക്ക് കൈമാറ്റം ചെയ്യപ്പെടുന്നത് തന്നെ ഏതു ശാസ്ത്രീയ തെളിവിനേക്കാളും വിലയേറിയ തെളിവ് തന്നേയാണ്.
പണ്ടേതോ പാശ്ചാത്യര്‍ പറഞ്ഞൂ, ഹോള്‍സ്റ്റീനും ബ്രൗണ്‍ സ്വിസ്സുമെല്ലാം നല്‍കുന്നത് ഏ വണ്‍ പാലാണെന്ന്, ബോസ് ഇന്‍ഡികസ് എന്ന ജനുസ്സിലെ ഇന്ത്യന്‍ പശുക്കള്‍ക്ക് ഏ ടൂ പാലെന്നും. പശുവിന്‍ പാലില്‍ അടങ്ങിയ ബീറ്റ കേസില്‍ പ്രോട്ടിനുകള്‍ 209 ഓളം അമിനോ ആസിഡുകളുടെ ശ്രേണിയാലുണ്ടാക്കപെട്ടതാണ്. അതില്‍ ഒരേ ഒരെണ്ണത്തിന്റെ ഘടനാ വ്യത്യാസമാണ് ഏ വണും ഏ ടൂവും ആക്കി പാലിനെ തരം തിരിക്കുന്നതെന്നും. പടിഞ്ഞാറന്‍ സയന്‍സ് ആയത് കൊണ്ടും നമ്മുടെ നാട്ടറിവുകള്‍ അറിവുകളേ അല്ലാ എന്നുമുള്ള മനോഭാവം നില നിന്നതിനാലും, അക്കാലത്ത് വലിയ വിശ്ലേഷണങ്ങള്‍ക്ക് സാധ്യതയില്ലാത്തതും കൊണ്ടാകാം, അത് അപ്പടി വിഴുങ്ങാന്‍, നമ്മുടെ ശാസ്ത്ര സമൂഹവും ഭരണാധികാരികളും ഒട്ടും മടികാണിച്ചില്ല. 
ഇതുകൊണ്ട് എല്ലാ വിദേശി പശുക്കളും  അത്ര നന്നല്ലെന്ന് പറയപ്പെടുന്ന ‘ഏ വണ്‍’ പാല്‍ തരുന്നത് എന്നര്‍ഥമാക്കേണ്ടതില്ല. ചിലവ  രണ്ടു തരം പാലും സമിശ്രമായ രീതിയിലും നല്‍കാനാകുന്നവയാകാം. ‘ഏ ടു’ പാല്‍ നല്‍കുന്നവയുമായുള്ള ക്രോസ് ബ്രീഡിലൂടെ അത് സാധ്യവുമായേക്കാം.
പ്രകൃതി, തന്റെ കുഞ്ഞുങ്ങളെ ഊട്ടാനായി മാമല്‍സിനു നല്‍കിയ വരമാണല്ലോ മുലപ്പാല്‍. ഒരു കുട്ടിയുണ്ടാകുന്ന ജനുസ്സിന് മുലപ്പാലിന്റെ അളവും നിയന്ത്രിതമാകുമല്ലോ, എന്നാലത് മറികടക്കാന്‍ കൂടുതല്‍ കുഞ്ഞുണ്ടാകുന്ന ജനുസ്സിന്റെ സ്വഭാവം അധിനിവേശിപ്പിച്ചാല്‍ സാധ്യമാകുമെന്ന കണ്ടു പിടുത്തമാകാം പന്നി പശുക്കളെ കണ്ടുപിടിക്കാനും ലോകം മുഴുവനും നിറയാനിടയുമാക്കിയതെന്ന് തോന്നുന്നു.
പത്തുമുപ്പതു വര്‍ഷങ്ങള്‍ക്ക് മുന്‍പേ നമ്മുടെ ഭരണാധികാരികള്‍ ധവള വിപ്ലവം എന്നപേരില്‍ ക്ഷീര ധാരയൊഴുക്കുന്നതിലേക്കായി, രണ്ടാം തരം ഏ പാല്‍ അതും വളരേയേറേ കുറഞ്ഞ അളവായ നാവൂരിയൊക്കേ മാത്രം നല്‍കാനാവുന്ന നാടന്‍ ജനുസ്സിനെ വിദേശി വര്‍ഗമായി കണ്‍‌വെര്‍ട്ട് ചെയ്യുന്നതിലേക്കായി നാടന്‍ കാളകളെ വരിയുടക്കാതേ വളര്‍ത്തുന്നത് തടവും പിഴയും കിട്ടാവുന്ന നിയമമാക്കി, നാടന്‍ പശുക്കളില്‍ വിദേശി ബീജം കുത്തിവച്ചു കിടാരികളുണ്ടാക്കി തലമുറകളിലൂടേ വിദേശി പന്നി പശുക്കളെ നാട്ടില്‍ ഊരി തിരിയിച്ചു നിറച്ചു.
എല്ലായിടത്തിലും നാടന്റെ വംശം അറ്റുപോയെന്നുറപ്പിക്കാന്‍ ആരൊക്കേയോ അശ്രാന്തം പരിശ്രമിക്കയും ചെയ്തപോലേ തോന്നുന്നു. ചില വിദേശ സര്‍വ്വകലാശാലകള്‍ ഇടക്ക് ബാക്കി വന്ന വെച്ചൂര്‍ പശുക്കളുടെ അടക്കം പല ദേശീ പശുക്കളുടേയും ജീനും അടിച്ചു മാറ്റി ബാക്കിയുള്ളവയെ സം‌രക്ഷിക്കപെടുന്നയിടങ്ങളില്‍ ഏതു വിധേനേയെങ്കിലും ഇല്ലായ്മ ചെയ്യാനുള്ള തന്ത്രങ്ങള്‍ മെനഞതും, അതിന്റെ ഭാഗമാണോ എന്നറിയില്ലാ, നമ്മുടെ വെച്ചൂര്‍ പശുക്കളെ, വെറ്റിനറി സര്‍വ്വകലാശാലയില്‍ വിഷം കൊടുത്ത് കൊന്നതുമെല്ലാം വാര്‍ത്തകളില്‍ പണ്ടു വന്നിരുന്നു. എന്നാല്‍ നാടന്റെ സത്യമറിയാവുന്നവര്‍ പലയിടത്തുമുണ്ടായിരുന്നതിനാല്‍, ബ്രസീലിലും മറ്റും നമ്മുടെ ഓം‌ഗ്ഗോള്‍ കാളകളെ കൊണ്ടുപോയി ലോകോത്തര സേബു ജനുസ്സ് പോലുള്ളവയെ ഉണ്ടാക്കിയെടുത്തിട്ടുമുണ്ട്.
ഇനി നാടന്റെ നേരായ സത്യം എങ്ങിനെയെല്ലാം അടിച്ചമര്‍ത്തിയാലും എന്നെങ്കിലും വെളിപ്പെട്ടു പോകുന്നസത്യം, നമുക്ക് മനസ്സിലേക്കെടുക്കാന്‍ പാശ്ചാത്യരുടെ പേപ്പറുകള്‍ ഇല്ലാതേ സാധ്യമാകില്ലാലോ, അതിനാല്‍ കീത്ത് വുഡ് ഫോര്‍ഡ് എന്ന ന്യൂസിലാന്റിലെ ലിന്‍‌കോണ്‍ സര്‍വ്വകലാശാലാ പ്രൊഫസറുടേയും മദര്‍ജോണ്‍സ് എന്ന അമേരിക്കന്‍ സൈറ്റിനേയും കൂട്ടു പിടിക്കാം. അവര്‍ ശക്തിയുക്തം ഏ വണ്‍ പാലിലെ പിശാചിനെ പുറത്തേക്കാവാഹിക്കാനായി നല്ലവണ്ണം വിയര്‍പ്പൊഴുക്കിയതായി കാണുന്നു.
പല തെളിവുകളും അവരുടെ സൈറ്റില്‍ നിരത്തി ശക്തരായ ഡയറി ലോബിയെ മുട്ടുകുത്തിക്കാനും, കുപ്പിയില്‍ നിറച്ചു വില്‍ക്കുന്ന പാല്‍ ഏ വണ്‍ ആണോ ഏ ടൂ ആണോയെന്ന് രേഖപെടുത്തിക്കാനും ജനങ്ങളെ ഏ വണ്‍ പാല്‍, അവരുടെ ആരോഗ്യത്തെ എങ്ങിനെയൊക്കെ പ്രതികൂലമായി ബാധിക്കുമെന്ന് മനസ്സിലാക്കിക്കാനുമായത് ഇക്കാല ജനതയുടെ വന്‍ നേട്ടം തന്നെ. ഇപ്പോള്‍ ഏ വണ്‍/ ഏ ടൂ പാലിന്റെ വ്യത്യാസം ഗൂഗിള്‍ ചെയ്താല്‍ കിട്ടാനൊരു പ്രയാസവുമില്ല.
ഇറക്കുമതിചെയ്ത് വന്ന പശുവിന്റെ പാല്‍ ജനങ്ങളുടെ ആരോഗ്യത്തിനെ തികച്ചും പ്രതികൂലമായി സ്വാധീനിക്കാമെന്ന്, പലതരത്തിലുള്ള എതിര്‍പ്പുകളുണ്ടെങ്കിലും സംശയരഹിതമായ തെളിവുകള്‍ നല്‍കി തെളിയിച്ചുകൊണ്ടിരിക്കുന്നതായിക്കാണാം. ഏ 2 പാല്‍ മനുഷ്യ ഉപഭോഗത്തിന് സുരക്ഷിതമാണെന്ന് ശാസ്ത്രീയ തെളിവുകള്‍ വളര്‍ന്നുകൊണ്ടേയിരിക്കയാണ് അതേസമയം ഏ 1 പാല്‍ ആരോഗ്യത്തിനു ഹാനീകരമായ BCM 7 എന്ന ബീറ്റ-കാസോമോര്‍ഫീന്‍7 ഉല്പാദിപ്പിക്കുന്നതെന്നും. അത് നമുക്കെല്ലാം സുപരിചിതമായതും ശസ്ത്രക്രിയാ വേളകളിലും മറ്റും അനസ്ത്യെഷ്യക്കും മറ്റും പ്രയോഗിക്കുന്ന തരത്തില്‍പെട്ടതുമായ, ഒരോ ജീവിയുടേയും കേന്ദ്ര നാഡീവ്യൂഹത്തില്‍ നേരിട്ട് പ്രവര്‍ത്തിച്ച് വേദന പോലുള്ള ശരീര സം‌വേദനമാധ്യമങ്ങളെ നിര്‍ത്തിവപ്പിക്കാന്‍ സാധ്യമായതുമായ മോര്‍ഫിന്‍ കുടുംബത്തിലെ തന്മാത്ര തന്നെയെന്നും പറയപ്പെടുന്നു! ഓട്ടിസം ബാധിച്ച കുട്ടികളുടെ മൂത്രത്തില്‍ BCM 7 കൂടുതലായികാണപ്പെടുനെന്ന കണ്ടുപിടുത്തം വിലയിരുത്ത പെടേണ്ട ഒന്നാണ്. https://keithwoodford.wordpress.com/2014/08/11/bovine-beta-casomorphin-7-bcm7-in-urine/
ഒരു പഠനത്തില്‍ ഏ വണ്‍ പാല്‍ കുടിക്കുന്നത്, ഓട്ടിസം സ്പെക്ട്രം ഡിസോര്‍ഡറിനിടയാക്കുന്നതും ബ്രൈന്‍ ഫോഗ് എന്ന ഓര്‍മ്മക്കുറവ്, മൂഡ് ഓഫ് ആകുന്നത്, ഹോര്‍മ്മോണ്‍ ചേഞ്ച്, കുട്ടികളില്‍ ദഹന പ്രശ്നങ്ങള്‍, പഠനവൈകല്യം, മുതിര്‍ന്നവരില്‍ പ്രമേഹം,ഹൃദ്രോഗ സാധ്യതകള്‍, ത്വക് രോഗ സാധ്യതകള്‍ എന്നു വേണ്ടാ, ഒരു കുന്നോളം രോഗങ്ങള്‍ക്കിടയാക്കുവാന്‍ സഹായാകരമെന്ന് പറയുന്ന ഈ സൈറ്റ് വായിക്കുന്നത് എല്ലാവര്‍ക്കും നന്നായിരിക്കും. https://www.psychologytoday.com/…/got-drink-milk-learn-your…
അമേരിക്കായില്‍ നാലില്‍ ഒരാള്‍ക്ക് ലാക്ടൊസ് ഇന്‍‌ടോളറന്‍സ് എന്ന അവസ്ഥ ഉണ്ടാകാന്‍ കാരണം ഏ വണ്‍ പാല്‍ തന്നേയെന്ന് പറയുന്നു. പലര്‍ക്കും ദഹനക്കേടും ന്യൂറോളജിക്കല്‍ പ്രോബ്ലംസും, ഉറക്കക്കുറവും, മന്ദതയും, നടു വേദനയും, മോണിംങ് സിക്നെസ്സും അലര്‍ജികളും എല്ലാം, ഏ വണ്‍ പാലുപയോഗം നിറുത്തുന്നതോടെ തന്നെ മാറിയതായും പറയപ്പെടുന്നു. എന്നാല്‍ അങ്ങിനെ മാറിയത് ഏ ടൂ പാല്‍ കുടിച്ചാല്‍ തിരികേ വരുന്നതായി കണ്ടില്ലായെന്നും സാക്ഷി മൊഴികളുണ്ട്.
നമ്മുടെ നാടന്‍ അറിവുകള്‍ വിഡ്ഢിത്തത്തില്‍ കവിഞൊന്നുമല്ലായെന്ന് പറഞ്ഞാലവര്‍ക്ക് മാത്രം സഹിഷ്ണുതാ ക്ലബ്ബ് അംഗമാകാന്‍ കഴിയുകയുള്ളൂ എന്നറിയാഞ്ഞിട്ടല്ലാ ഞാനിത് ടൈപ്പടിച്ച് എന്റെ വിലപെട്ട സമയം നഷ്ടപെടുത്തുന്നത്. വിഷമില്ലാത്ത അന്തരീക്ഷമുള്ള സ്ഥലത്തെ പച്ച പുല്ല് തിന്നുന്ന നാടന്‍ പശുവിന്റെ നാവൂരിയെങ്കില്‍ അത്രയും പാല്‍ ഇക്കാലത്ത് കിട്ടാന്‍ ഭാഗ്യം ചെയ്യണം. അത് നന്മ  നിറഞ്ഞ പാലെന്ന് മനസ്സിലാക്കാന്‍ ഇതുമൂലം ഇടയായാല്‍ എന്റെ സമയം നഷ്ടമായില്ലാ എന്ന് എനിക്കാശിക്കാം.

________________________

ഒരു ചെറു തിരിഞ്ഞു നോട്ടം(ഒരു കമെന്റ് കണ്ടപ്പോള്‍, കടകവിരുദ്ധമായി തെറ്റിദ്ധരിക്കപെടുന്നത് ഒഴിവാക്കാനായി)

നാടന്‍ പശുവിന്റെ പാല്‍ എത്ര നല്ലത് എന്ന കാര്യം മാത്രം എടുത്താലും.ഇനി വരുന്ന കാലത്ത് നാടന്‍ പശുക്കളുടെ വംശനാശം വരുത്തുവാന്‍ ആരും ഒരുമ്പെടരുത്. അത് മാത്രമാണീ പോസ്റ്റിലൂടേ ഉദ്ദേശിക്കുന്നത്. ഇക്കാലത്ത് വ്യാപകമായുള്ള മറ്റ് പശുക്കളെ വളര്‍ത്തി പാല്‍ വിറ്റു ജീവനോപാദി കണ്ടെത്തുന്നവരുടെ വഴി മുടക്കുന്നതായി ഇത് മാറരുതെന്ന് ആശിക്കുന്നു. നഷ്ടമായ ജീവന്‍ തിരിച്ചു നല്‍കുമെന്ന് കഥകളില്‍ പറയപ്പെടുന്ന  അമൃത് കഴിച്ചാല്പോലും അതിനോട് ഇന്‍ ടോളറന്‍സ് ഉള്ളവര്‍ ഇക്കാലത്ത് ഏത് സമൂഹത്തിലും കാണും. അത്തരം നിരീക്ഷണം ജനലറൈസ് ചെയ്യപെടരുത്.
സാധാരണ ലെവലില്‍ ഇമ്യൂണിറ്റിയുള്ള ഒരാള്‍ക്ക് മറ്റു പശുക്കളുടെ പാല്‍ കുഴപ്പമുണ്ടാക്കുന്നതാകണമെന്നില്ലാ. നമ്മള്‍ നാലിലൊന്ന് അമേരിക്കക്കാരന്റെ ലിസ്റ്റില്‍ വരുന്നവരല്ല എന്ന് മനസ്സിലാക്കണം. നല്ല പാല്‍ കിട്ടാനുണ്ടെങ്കില്‍ അതാകാം. ഇല്ലെങ്കില്‍ ഇതുമാകാം. ദശാബ്ദങ്ങളോളം അതി ഗംഭീരമെന്ന് തെളിയിക്കപ്പെട്ട് നിലനിന്നവ പില്‍ക്കാലത്ത് ശുദ്ധ വങ്കത്തമെന്നും  ചില പഠനങ്ങള്‍ തെളിയിക്കുന്നതായി കേട്ടിട്ടില്ലേ. അതിനാല്‍ ഇന്ന് തെളിഞ്ഞു വരുന്ന ഈ വെണ്ണയും ഉരുകിയേക്കാം. അതില്‍ നിന്നും നറു നെയ്യ് കിട്ടാതിരിക്കില്ലായെന്നും ആശിക്കാം. ഇത് ഇപ്പോള്‍ കിട്ടിയിട്ടുള്ള വളരേകുറച്ച് ഡാറ്റാ വച്ചുള്ള ഒരു എഞ്ചിയറിങ് അനാലിസ് മാതിരിയുള്ള ഒന്നെന്നും അതിനാലതിന്റെ ടെക്നിക്കാലിറ്റിയെ കണ്ണുമടച്ചെടുക്കാതേ എത്രത്തോളം ശരിക്കൊപ്പം നില്‍ക്കുമെന്ന് ഒരോരുത്തരുടേയും വിശകലനത്തിനായ് വടുന്നു ‘

കറവയില്‍ ശ്രദ്ധിക്കേണ്ട കാര്യങ്ങള്‍:

ആരോഗ്യമുള്ള പശുവിന്‍പാലിന് നേരിയ മധുരവും പ്രത്യേക രീതിയിലുള്ള ഹൃദ്യമായ മണവുമാണ് ഉണ്ടാവുക. പ്രകൃത്യായുള്ള നിറം തൂവെള്ള മുതല്‍ തവിട്ടുകലര്‍ന്ന ഇളംമഞ്ഞവരെ വ്യത്യാസപ്പെട്ടിരിക്കും. ഈ വ്യത്യാസത്തിന്റെ തോത്  പാലിലടങ്ങിയിരിക്കുന്ന കൊഴുപ്പിന്റെയും ഇതര പദാര്‍ഥങ്ങളുടെയും അളവിന്റെ അടിസ്ഥാനത്തിലാണ്. 

സമീകൃതാഹാരമായ പാല്‍ മനുഷ്യനെന്നപോലെ സൂക്ഷ്മാണുക്കള്‍ക്കും പ്രിയപ്പെട്ട ആഹാരമാണ്. പാലില്‍ വിവിധ മാര്‍ഗങ്ങളിലൂടെ കടന്നുകൂടുന്ന സൂക്ഷ്മാണുക്കളുടെ പ്രവര്‍ത്തനഫലമായി പാല്‍ പുളിച്ച് ഉപയോഗശൂന്യമാകുന്നു. അണുക്കളുടെ പ്രവര്‍ത്തനംമൂലം ലാക്ടോസ് പാക്ടിക് അമ്‌ളമായി മാറുമ്പോഴാണ് പാല്‍ പുളിച്ച് കേടായിപ്പോകുന്നത്. പാലില്‍ ലാക്ടിക് അമ്‌ളം ഉത്പാദിപ്പിക്കുന്ന നിരവധി ബാക്ടീരിയകളുണ്ട്.

പാലില്‍ അണുക്കള്‍ പ്രധാനമായും കടന്നുകൂടുന്നത് മുലക്കാമ്പില്‍ക്കൂടിയും ചുറ്റുപാടുകളില്‍നിന്നുമാണ്. കറവയ്ക്കുമുമ്പായി കന്നുകാലികളുടെ ശരീരത്തില്‍ പറ്റിപ്പിടിച്ചിരിക്കുന്ന ചാണകവും മറ്റ് അഴുക്കുകളും നന്നായി തേച്ചുകഴുകി ഉണങ്ങിയ തുണികൊണ്ട് തുടച്ച് വൃത്തിയാക്കണം.  പ്രാരംഭത്തില്‍ ഓരോ മുലക്കാമ്പില്‍നിന്നും അല്പം പാല്‍ കറന്നുകളയുന്നത് സൂക്ഷ്മാണുക്കളുടെ എണ്ണം കുറയുന്നതിന് സഹായിക്കുന്നു. വായ്‌വട്ടം കുറവുള്ള തിളച്ച വെള്ളത്തിലോ അണുനാശിനിയിലോ കഴുകി വൃത്തിയാക്കി ഉണക്കിയ പാത്രത്തില്‍വേണം പാല്‍ കറക്കാന്‍. കറവക്കാരന്‍ സാംക്രമികരോഗങ്ങളില്‍നിന്ന് മുക്തനും ശുചിത്വമുള്ളവനുമായിരിക്കണം. 

കറവയ്ക്കുമുമ്പ് കൈകള്‍ സോപ്പുപയോഗിച്ച് കഴുകി അണുനാശിനിയില്‍ കഴുകിയ തുണികൊണ്ട് തുടച്ചുണക്കണം. കൂടാതെ ശുചിത്വമുള്ള വസ്ത്രം ധരിക്കുകയും വേണം. കറവസമയത്ത് പുകവലി, മുറുക്ക് തുടങ്ങിയവ ഒഴിവാക്കുകയും വേണം.  സാധാരണയായി കൈകൊണ്ടും കറവയന്ത്രങ്ങളിലുമാണ് പശുക്കളെ കറക്കുന്നത്. കൈകൊണ്ട് കറക്കുമ്പോള്‍ കൈത്തലം മുഴുവന്‍ ഉപയോഗിച്ചുകൊണ്ട് കറക്കുന്ന രീതിയാണ് ശാസ്ത്രീയമായിട്ടുള്ളത്. കൂടുതല്‍ പശുക്കളെ കറക്കാനുള്ള സ്ഥലത്ത് കറവയന്ത്രം ഉപയോഗിക്കാറുണ്ടെങ്കിലും ഒന്നും രണ്ടും പശുക്കളെ വളര്‍ത്തുന്നവര്‍ക്ക് കൈക്കറവയാണ് കൂടുതല്‍ പ്രായോഗികം. 

പാല്‍ചുരത്താന്‍ പശുവിനെ പ്രധാനമായും സഹായിക്കുന്നത് ഓക്‌സിടോക്‌സിന്‍ എന്ന ഹോര്‍മോണാണ്. ഈ ഹോര്‍മോണിന്റെ പ്രവര്‍ത്തനം 6-7 മിനിറ്റേ നീണ്ടുനില്‍ക്കൂ. തന്മൂലം  പാല്‍ചുരത്തിക്കഴിഞ്ഞാല്‍ ഈ സമത്തിനുള്ളില്‍ കറവ പൂര്‍ത്തിയാക്കണം. കൂടുതല്‍ പാല്‍കിട്ടുന്നവയെ രണ്ടുകൈകൊണ്ടും  കറക്കാവുന്നതാണ്. 

കറവസമയത്ത് പശുവിനെ ഭയപ്പെടുത്താന്‍ പാടില്ല. അകിടില്‍ ഒട്ടുംതന്നെ പാല്‍ ബാക്കിയാക്കാതെ  കറന്നെടുക്കണം. അവസാനം ലഭിക്കുന്ന പാലിലാണ് കൂടുതല്‍ കൊഴുപ്പടങ്ങിയിരിക്കുക.  കറവ കഴിഞ്ഞാല്‍ പാല്‍ ഉടന്‍തന്നെ തൊഴുത്തില്‍നിന്ന് മാറ്റി വൃത്തിയുള്ള തുണിയില്‍ അരിച്ചശേഷം തണുപ്പുള്ള സ്ഥലത്ത് സൂക്ഷിക്കണം.

പൂച്ച 

വീട്ടിലെ ഒരു അംഗത്തെപോലെയാണ് പൂച്ചകളെ പണ്ടുകാലത്തും ഇന്നും നമ്മൾ പരിചരിക്കുന്നത്. വിദേശ ഇനം പൂച്ചകളെയും ഇന്ന് വളർത്തുന്നുണ്ട്. പൂച്ചകളെ വളർത്തുമ്പോൾ ശ്രദ്ധിക്കേണ്ട കാര്യങ്ങളെക്കുറിച്ചാണ് ഇവിടെ വിവരിക്കുന്നത്.പൂച്ചയെ വീട്ടിലേക്ക് കൊണ്ടുവരുന്നതിന് മുമ്പ് തന്നെ അതിന്റെ വാസസ്ഥലം ഒരുക്കിയിരിക്കണം. ആദ്യ ദിവസങ്ങളിൽ ഒരു മുറി ഇതിനുവേണ്ടി നീക്കിവെയ്ക്കണം. ഇതിന്റെ വാതിൽ യഥേഷ്ടം അകത്തേക്കും പുറത്തേക്കും തുറക്കാവുന്നതായിരിക്കണം. മുറിക്കകത്ത് ഒരു കാർഡ്ബോർഡ് കൊണ്ടോ, പ്ലൈവുഡ് കൊണ്ടോ ഉണ്ടാക്കിയ ഒരു കൂട് ഉണ്ടായിരിക്കണം. മറ്റുള്ളവരുടെ ശല്യമില്ലാതെ വിശ്രമിക്കാനാണ് ഇത്. കൂടിനകത്ത് ന്യൂസ് പേപ്പറോ, തുണിയോ വെച്ചിരിക്കണം.

പൂച്ചകുട്ടികൾക്ക് 89-93 ഡിഗ്രി ഫാറൻഹീറ്റ് ചൂട് ആവശ്യമാണ്. ഇത്രയും അളവ് കിട്ടത്തക്കവിധത്തിൽ കൂട്ടിൽ ചൂട് ക്രമീകരിക്കണം. ഇതിന് ചൂടുവെള്ളം നിറച്ച കുപ്പികളോ പാഡുകളോ ഉപയോഗിക്കാം. 12 ആഴ്ചകൾവരെ ഇത് തുടരണം. മൂന്ന് ആഴ്ചകൾ വരെ ഇവയ്ക്ക് സ്വയം മൂത്രം, മലം എന്നിവ വിസർജ്ജിക്കുവാൻ സാധ്യമല്ല. തള്ളപ്പൂച്ച ചാകുന്ന സമയത്താണ് പൂച്ചക്കുട്ടിയെ വീടുകളിലേക്ക് കൊണ്ടുവന്നതെങ്കിൽ വീട്ടുകാർ ഭക്ഷണത്തിന് മുമ്പും, ശേഷവും പൂച്ചക്കുട്ടിയുടെ അടിവയർ മുകളിൽ നിന്ന് താഴത്തേക്ക് മൃദുവായി തടവിക്കൊടുക്കണം. അഞ്ച് ആഴ്ച പ്രായമാകുമ്പോൾ കുട്ടികളെ തള്ളയിൽ നിന്ന് വേർപെടുത്താം. 56 ആഴ്ചയാകുമ്പോൾ ഇവ വെള്ളം കുടിക്കുവാൻ തുടങ്ങും. 18 മാസം പ്രായമാകുമ്പോൾ ഇവ പ്രായപൂർത്തിയാകുന്നു. ഇവയുടെ ഗർഭകാലം 60-62 ദിവസമാണ്.

പൂച്ചകളുടെ കൂട് തന്നെ അതിന്റെ വീടായി ഉപയോഗപ്പെടുത്തണം. ഒരു കൂടിന് 19 സ്ക്വയർഫീറ്റ് വ്യാപ്തി ഉണ്ടായിരിക്കണം. ഇതിനുള്ളിൽ കളിക്കുവാനുള്ള കളിപ്പാട്ടങ്ങൾ, മാന്തിക്കയറാനുള്ള തൂണുകൾ (സ്ക്രാച്ച് പോസ്റ്റ്) മുകളിൽ കയറി വിശ്രമിക്കാനുള്ള സൗകര്യങ്ങൾ, ഏണികൾ, എന്നിവ ഒരുക്കിവെക്കാം. കൂടാതെ ഭക്ഷണപാത്രം, വെള്ളം കുടിക്കാനുള്ള പാത്രം എന്നിവ കൂടി സൗകര്യപ്പെടുത്തിവെയ്ക്കണം. ഇവ തമ്മിൽ മൂന്ന് അടിയെങ്കിലും അകലമുണ്ടായിരിക്കണം. ഇവയുടെ ജീവിതകാലം 15-20 വർഷം ആണ്.

കുട്ടികൾക്ക് കന്നിപ്പാൽ (കൊളസ്ട്രം) ആദ്യ 12-24 മണിക്കൂറിനുള്ളിൽ നൽകണം. തള്ളപ്പൂച്ചയില്ലെങ്കിൽ പ്രസവിച്ച് 14 ദിവസമാകാത്ത മറ്റു പൂച്ചകളെ പാലിനു വേണ്ടി ആശ്രയിക്കാം. പരിശീലനത്തിലൂടെ (ടോയ്ലറ്റ് ട്രെയിനിംഗ്) മലമൂത്രവിസർജനം യഥാസ്ഥലത്ത് നിറവേറ്റാൻ പഠിപ്പിക്കാം.

ആദ്യത്തെ കുറച്ച് ആഴ്ചകളിൽ പൂച്ചകൾ അവരുടെ ജീവിതത്തിലെ 23 ഇരട്ടി ഭാരം വയ്ക്കുന്നു. ഇതിന് വേണ്ടുന്ന 30% ഊർജവും പ്രോട്ടീനിൽ നിന്നാണ് കിട്ടുന്നത്. അതുകൊണ്ട് തന്നെ മനുഷ്യർ കഴിക്കുന്ന സാധാരണ ഭക്ഷണമോ നായകൾക്ക് കൊടുക്കുന്ന ഭക്ഷണമോ ഇതിന് അനുയോജ്യമല്ല.

പാല് (ആട്ടിൻ പാല് ഉത്തമം) – 2 കപ്പ്

ചൂടാകാത്ത മുട്ടയുടെ മഞ്ഞ കരു -2 എണ്ണം

(അല്ലെങ്കിൽ ഒരു മഞ്ഞക്കരുവും ഒരു ടീസ്പൂൺ ചൂടാക്കിയ വെളിച്ചണ്ണയും)

പ്രോട്ടീൻ പൗഡർ-2 ടേബിൾ സ്പൂൺ

വൈറ്റമിൻ ലിക്വിഡ് – 6 തുള്ളി

അറവുശാലകളിൽ നിന്നു കിട്ടുന്ന ചെറുകുടലിലെ ഭക്ഷണാവശിഷ്ടം -1 ടീസ്പൂൺ എന്നിവ നന്നായി മിശ്രിതമാക്കി 101 ഡിഗ്രി ഫാറൻ ഹീറ്റിൽ (38 ഡിഗ്രി സെന്റിഗ്രേഡ്) ചൂടാക്കണം.

4 ഔൺസ് ഭാരത്തിന് താഴെയുള്ളവയ്ക്ക് ഓരോ രണ്ട് മണിക്കൂർ ഇടവിട്ട് അര ടീസ്പൂൺ വീതം കൊടുക്കണം

4 മുതൽ 8 ഔൺസ് ഭാരമുള്ളവയ്ക്ക് ഓരോ മൂന്ന് മണിക്കൂർ ഇടവിട്ട് 2 മുതൽ 4 ടേബിൾ സ്പൂൺ വീതം നൽകണം

8 മുതൽ 24 ഔൺസ് ഭാരമുള്ളവയ്ക്ക് ഓരോ നാല് മണിക്കൂർ ഇടവിട്ട് 6 മുതൽ 10 ടേബിൾസ്പൂൺ വീതം നൽകണം

ആട്

ആടാണ് മെച്ചം. എളുപ്പവും.പശുക്കളെ അപേക്ഷിച്ച്ചെറിയ ശരീരഘടന, എത് പ്രതികൂല കാലാവസ്ഥയെയും തരണംചെയ്യാനുള്ള കഴിവ്, പോഷക ഗുണനിലവാരം വളരെ കുറഞ്ഞ പാഴ്ച്ചെടിμൾ ഉപയോഗപ്പെടുത്തൽ, വർഷത്തിൽ 1-2 പ്രസവം, ഓരോ പ്രസവത്തിലും 2-3 കുട്ടികൾ വീതം എന്നിവയെല്ലാമാണ് പാവപ്പെട്ടവന്റെ പശു എന്ന വിശേഷണം ആടിന് നേടിക്കൊടുത്തത്.

അധക മൂലധനം ചെലവിടാതെ തന്നെപാവപ്പെട്ട ഒരു കർഷകന് ആടുവളർത്തി സാമാന്യം വരുമാനമുണ്ടാക്കാം.എന്നാൽ നല്ല ഇനങ്ങളെ നോക്കി തിരഞ്ഞെടുക്കാൻ അറിയാത്തതാണ് കർഷകന് തിരിച്ചടിയാകുന്നത്

∙ ഇനങ്ങൾ ഏറെ

ലോകത്തിലാകെയുള്ള ആടുകളിൽ19 % ഇന്ത്യയിലാണ്. എകദേശം ഇരുപതോളംഅംഗീകരിക്കപ്പെട്ട ജനുസുകൾ ഇവിടെയുണ്ട്. പ്രധാനമായുംആടകൾ മൂന്നു തരമേയുള്ളൂ. പാൽഉൽപാദിപ്പിക്കുന്നവ, പാലും മാംസവുംഉൽപാദിപ്പിക്കുന്നവ, കമ്പിളി ഉൽപാദിപ്പിക്കുന്നവ. ജമുനാപാരി, ബീറ്റൽ, സുർത്തി എന്നിവ ധാരാളം പാൽ ഉൽപാദിപ്പിക്കുന്നവയാണ്. ബ്ലാക്ക് ബംഗാൾ, കച്ചി, ഗഞ്ചാം എന്നിവ കൂടുതൽ മാംസംഉൽപാദിപ്പിക്കുന്നവയാണ്. പാലിനുംമാംസത്തിനും വേണ്ടി വളർത്തുന്നവയാണ് ബാർബറി, മലബാറി, ഒസ്മാനാബാദി, പാഷ്മിന, ഗഡ്ഡി എന്നിവ. കമ്പിളി നൂൽ ഉൽപാദിപ്പിക്കാനുള്ളതാണ്പാഷ്മിന, ഗഡ്ഢി എന്നിവ.

∙ കേരളത്തിന്റെ ഇനം

കേളത്തിന്റെ ഒരേ ഒരു തനത് ജനുസാണ് മലബാറി ആടകൾ. ഉത്തരകേരളത്തിലെ മലബാർ മേഖലയിൽ ഉരുത്തിരിഞ്ഞു വന്നിട്ടുള്ള ഈ ജനുസ് കേരളത്തിലെ കാലാവസ്ഥയും ഭൂപ്രകൃതിയുമായി ഇണങ്ങിയവയാണ്. പലനിറങ്ങളിലുണ്ടെങ്കിലും വെളുത്ത ആടുകൾക്കാണ് കൂടുതൽ പ്രിയം. നീണ്ട ചെവികൾ ഈ ജനുസിന്റെ പ്രത്യേകതകളാണ്. രണ്ടു വർഷത്തിൽ മൂന്ന് പ്രസവവുംഓരോ പ്രസവത്തിലും രണ്ടുകുട്ടികൾ വീതവും നൽകുന്ന മുന്തിയ പ്രത്യുൽപാദന ശേഷിയുമാണ് ഇവയ്ക്കുള്ളത്.

കേരളത്തിലെ അട്ടപ്പാടി മേഖലയിൽകണ്ടുവരുന്ന അട്ടപ്പാടി കരിയാടുകൾ ജനുസായി അംഗീകരിക്കപ്പെട്ടിട്ടില്ല എങ്കിലും മാംസാവശ്യത്തിനായി വളർത്തപ്പെടുന്നു. കറുത്ത നിറത്തിലുള്ള ഇവയുടെ മാംസം കൂടുതൽ രുചിയുംഗുണവുമുള്ളതായി കരുതപ്പെടുന്നു.

പ്രത്യുൽപാദനക്ഷമതയിൽ കിടപിടിക്കുമെങ്കിലും ഇവയ്ക്ക് ശരീരഭാരംമലബാറിയെക്കാൾ കുറവാണ്.ആടുകളിലെ ഏറ്റവും വലിയഇന്ത്യൻ ജനുസാണ് ഉത്തരേന്ത്യക്കാരിയായ ജമുനാപാരി. പൂർണവളർച്ചയെത്തിയാൽ 80 കിലോയോളം വരും. ജമുനാപാരിക്ക് മങ്ങിയ വെള്ള നിറവും നീളൻ ചെവികളും റോമൻ മൂക്ക് എന്നറിയപ്പെടുന്ന ഉയർന്ന നാസികയുമാണുള്ളത്. വർഷത്തിൽ ഒരു പ്രസവവുംഅതിൽ ഒരുകുട്ടിയുമെന്നതാണ് പ്രത്യുൽപാദന ശേഷി.

∙ ആടിനെനോക്കിയെടുക്കണം

ഉയർന്ന ഉൽപാദന-പ്രജനനക്ഷമതകൾ നോക്കിയായിരിക്കണം ആടകളെ തിരഞ്ഞെടുക്കേണ്ടത്. ആടകളുടെ പ്രത്യക്ഷ ലക്ഷണങ്ങൾ നോക്കിയുംതിരഞ്ഞെടുക്കാം. വിരിഞ്ഞ നെഞ്ചും തിളങ്ങുന്ന കണ്ണുകളും നനവുള്ളനാസികയും മിനുസമുള്ള രോമവും പ്രസരിപ്പുള്ള സ്വഭാവവും ആടുകളുടെആരോഗ്യലക്ഷണങ്ങളാണ്. കറന്നുകഴിഞ്ഞാൽ വലുപ്പ വ്യത്യാസമില്ലാത്തഅകിടും നല്ല ആടിന്റെ ലക്ഷണങ്ങളാണ്.കറക്കുമ്പോൾ നിറവ്യത്യാസമില്ലാത്ത പാൽ തടസ്സംകൂടാതെ പുറത്തേക്ക്വരുന്നതും ഉറപ്പ് വരുത്തേണ്ടതാണ്.

∙ പെണ്ണാടുകളുടെ തിരഞ്ഞെടുപ്പ്

പെണ്ണാട് ആദ്യമായി മദിലക്ഷണങ്ങൾകാണിക്കുന്ന പ്രായം തിരഞ്ഞെടുപ്പിൽപ്രാധാന്യമർഹിക്കുന്നു. 7-8 മാസം പ്രായത്തിൽ ആദ്യമദി ലക്ഷണം കാണിക്കുന്ന പെണ്ണാടുകളെയാണ് വളർത്താൻതിരഞ്ഞെടുക്കേണ്ടത്. 15-20 കിലോഗ്രാം ശരീരഭാരവും 10-12 മാസംപ്രായമുള്ള പെണ്ണാടുകളെ പ്രജനനത്തിനായി തിരഞ്ഞെടുക്കാം. 15-17 മാസംപ്രായത്തിൽ ആദ്യപ്രസവം നടന്നപെണ്ണാടകൾക്കും പ്രത്യുൽപാദന മികവുള്ളതായി കണക്കാക്കാം. 

രണ്ടുവർഷത്തിൽ മൂന്ന് പ്രസവവും കുറഞ്ഞത് അഞ്ച്ആറ് കുട്ടിμൾ വരെ ലഭിച്ചിട്ടുണ്ടെങ്കിൽ പെണ്ണാടുകൾക്ക് ഉയർന്നപ്രത്യുൽപാദന ശേഷിയുണ്ടെന്ന് കണക്കാക്കാം. പ്രസവ ഇടവേള എട്ടു മാസമാക്കുന്നതാണ് ഉത്തമം.

ആടിന്റെ ഒരു കറവക്കാലത്തിന്റെദൈർഘ്യം ശരാശരി 150 ദിവസമാണ്.ഈ കറവക്കാലത്തെ പാലുൽപാദനംആട്ടിൻകുട്ടികളുടെ വളർച്ചാനിരക്കിനെസ്വാധീനിക്കുന്ന ഘടകമായതിനാൽപ്രതിദിനം 1.5 ലീറ്ററിൽ കുറയാതെപാലുള്ള പെണ്ണാടുകളെ വാങ്ങാം.പോഷകാഹാരക്കുറവോ പരാദരോഗങ്ങളോ പെണ്ണാടുകൾക്ക് ഇല്ലെന്നും ഉറപ്പു വരുത്തണം. ആടുകൾക്ക് 3-6 വയസുവരെയുള്ള കാലയളവിലാണ് എറ്റവുംകൂടുതൽ കുട്ടികളെ ലഭിക്കാനുള്ളസാധ്യതയെന്നറിയുക.

പ്രായം കുറയുമ്പോഴും ഏറുമ്പോഴും ഒരു പ്രസവത്തിൽ നിന്ന് ലഭിക്കാവുന്ന കുട്ടികളുടെ എണ്ണവും കുറവായിരിക്കും. ആടുകളെ ബാധിക്കുന്ന പ്രധാനരോഗങ്ങളുടെ സാമാന്യ അറിവും തിരഞ്ഞെടുപ്പിൽ ഉപയോഗപ്രദമാകും. പ്രത്യേകകാരണങ്ങളൊന്നുമില്ലാതെ പാലുൽപാദനം പെട്ടെന്ന് കുറയുന്നതും പാലിനു ദുസ്സ്വാദുണ്ടാകുന്നതും ലഘുവായതോതിലുള്ള അകിടുവീക്കത്തിന്റെ ലക്ഷണങ്ങളാണ്.

∙ മുട്ടനാടുകളുടെ തിരഞ്ഞെടുപ്പ്

20 പെണ്ണാടുകൾക്ക് ഒരു മുട്ടനാട് എന്നതോതിലാണ് ആടുവളർത്തൽ യൂണിറ്റുകൾ പ്രവർത്തിക്കേണ്ടത്. ആറു മുതൽഎട്ട് വർഷം വരെയുള്ള പ്രജനനത്തിനായി ഉപയോഗിക്കാനാണ് മുട്ടനാടുμളെ തിരഞ്ഞെടുക്കേണ്ടത്. തള്ളയുടെ പാലുൽപാദനശേഷിക്ക് മുട്ടനാടുകളുടെ തിരഞ്ഞെടുപ്പിൽ അതീവപ്രാധാന്യമുണ്ട്. കുറഞ്ഞത് 1.5 കിലോഗ്രാം പാൽ എങ്കിലും പ്രതിദിനം ഉൽപാദിപ്പിക്കുന്ന പെണ്ണാടുകളുടെ ഇരട്ടക്കുട്ടികളിൽ നിന്നായിരിക്കണം ഇവയെ തിരഞ്ഞെടുക്കേണ്ടത്.

മാംസാവശ്യത്തിനായി വളർത്താൻ ഉദ്ദേശിക്കുന്ന മുട്ടനാടുകൾക്ക് രണ്ട് കിലോയിൽ കുറയാതെയുള്ള ശരീരഭാരംആറുമാസം പ്രായത്തിൽ ഉണ്ടാവേണ്ടതാണ്. ആട്ടിൻകൂട്ടത്തിലെ അടുത്ത ബന്ധുക്കൾ തമ്മിലുള്ള ഇണചേരലിൽനിന്ന് ഉണ്ടാവുന്ന ആട്ടിൻകുട്ടികളെ കഴിവതും വാങ്ങാതിരിക്കാം. ഇവയിൽ വന്ധ്യത, കുറഞ്ഞ വളർച്ചാ നിരക്ക്, രോഗപ്രതിരോധ ശേഷിക്കുറവ്, പ്രജനനക്ഷമത എന്നീ പ്രശ്നങ്ങളും കൂടുതലായികണ്ടുവരുന്നതായി ശാസ്ത്രീയമായി തെളിയിക്കപ്പെട്ടിട്ടുണ്ട്.

നല്ല പെണ്ണാടുμളെയും മുട്ടനാടുകളെയും തിരഞ്ഞെടുക്കുന്നതിനൊപ്പം ആടുവളർത്തൽ യൂണിറ്റ് തുടങ്ങുമ്പോൾആടുകളിൽ പകുതി കറവയുള്ള ആടകളും കുട്ടികളും ആയിരിക്കണം.ബാക്കി, ഒരു വയസ് പ്രായമുള്ളപ്രസവിക്കാത്ത ആടുകളും ആണാടുകളും ആയിരിക്കുന്നതാണ് അഭികാമ്യം.